Үндэсний их баяр наадмын үеэр буюу энэ сарын 11,12-ны өдрүүдэд нийтийн тээврийн үйлчилгээ 08.00–23.00 цагт, 13 –нд 08.00 -22.30 хооронд үйлчлэхээр болжээ. Тус өдрүүдэд нийтийн тээврийн үйлчилгээнд үндсэн 78 чиглэлд их багтаамжийн 654, туслах 25 чиглэлд бага оврын 203, зуслангийн зургаан чиглэлд бага багтаамжийн зургаа, их багтаамжийн тав нийт 913 тээврийн хэрэгсэл үйлчлэх аж. Төв цэнгэлдэх хүрээлэн рүү 29 чиглэлээс нийт 203 их багтаамжийн автобус хүрч үйлчилнэ. Мохатма Гандийн гудамжаар 102, Төв цэнгэлдэх хүрээлэнгийн урдуур буюу Нийслэлийн өргөн чөлөөний шинэ замаар 101 автобус тус тус иргэдэд үйлчлэх юм байна.
Хүй долоо худаг руу долдугаар сарын 11, 12–нд Төв цэнгэлдэх хүрээлэнгээс долдугаар сарын 13–нд Драмын театрын өмнөх талбайгаас тус бүр 20 их багтаамжийн автобус, долдугаар сарын 11, 12, 13 –нд хотын “3, 4 –р хороолол”, “7 буудал”, “5шар”, “ХМК”, “офицерүүдийн ордон” гэсэн 5 чиглэлээс тус бүр 4 нийт 20, “Хүй 7 худаг” хүртэл Эмээлт өртөөний төмөр замын буудлаас Морь барианы газар хүртэл 10, нийт 30 бага оврын автобус үйлчилгээнд ажиллах аж.
Б.Золбоо
