АН парламентад олонхи болсон ч гэсэн ялалт байгуулж чадаагүй. Нэгэнт үнэмлэхүй олонхи болж чадаагүй учир түмэн зовлон, мянган бэрхшээл дунд Засгийн газраа байгуулна. МАН 2008 онд яг ийм байдал дунд Засгийн газраа хамтран байгуулсан. Одоо тэр зовлон АН дээр тулж ирлээ. 
    АН парламентад олонхи болсон ч гэсэн ялалт байгуулж чадаагүй. Нэгэнт үнэмлэхүй олонхи болж чадаагүй учир түмэн зовлон, мянган бэрхшээл дунд Засгийн газраа байгуулна. МАН 2008 онд яг ийм байдал дунд Засгийн газраа хамтран байгуулсан. Одоо тэр зовлон АН дээр тулж ирлээ.  
    Эх сурвалжийн хэлж байгаагаар бол АН Засгийн газраа байгуулах гэж нилээд хугацаа авахаар шинжтэй болжээ. Учир нь МАН-тай хамтрахгүй гэж мэдэгдсэнээс болж улс төрийн хүрээнд нэлээд өөрчлөлт мэдэгдэмгүйгээр орж байна. МАН сөрөг хүчин болж байгаа ч гэсэн удирдлагууд нь Засгийн газрыг нь тийм ч хурдан байгуулаад өгчихгүй аж.
    АН-ын даргын мэдэгдэж байгаагаар бол МАХН-МҮАН-тай эвсэж Засгийн газраа байгуулна. Гэхдээ МАХН-МҮАН-ынхан Засгийн газарт оръя гэж гуйх шахам гүйгээд байгаа ч нилээд том болзолыг тавихаар бэлтгэжээ. Юуны өмнө АН Засгийн газраа 70/30-ийн харьцаатай байгуулахаар ярьжээ. Өөрөөр хэлбэл Засгийн газрын гишүүдийн 70 хувийг АН-ынхан, үлдсэн 30 хувийг МАХН-МҮАН эвсэл бүрдүүлэх аж.
    Гэхдээ МАХН-МҮАН-ынхан хэд хэдэн тодорхой болзлыг хүргүүлэхээр бэлтгэж дуусчээ. Юуны өмнө МАХН-ын дарга Н.Энхбаярыг хорихгүй байх, МҮАН-ын дарга М.Энхсайханыг Шадар сайд болгох, дэд сайд нараа ч гэсэн 70/30-ийн харьцаатай байгуулах, агентлагийн дарга нарын тодорхой хэсгийг өгөх, яамдын төрийн нарийн бичгийн дарга нарын томилгоонд шударга ёс эвслээс томилох зэрэгээр саналуудаа томъёолжээ. МАХН-МҮАН-ын эдгээр саналуудыг АН-ын удирдлага яаж хүлээж авахыг урьдчилан таамаглахад хэцүү юм. Мэдээж заримыг нь биелүүлэх боломжгүй. Тэгээд ч агентлагийн дарга, яамдын төрийн нарийн бичгийн дарга нар төрийн албан хаагчид. Төрийн албан хаагчдыг дураараа солиод байж болохгүй хуультай. Энэ мэт асуудлыг яаж шийдвэрлэх, ойлголцохоос олон зүйл шалтгаална.
    Харин МАН Засгийн газрын бүтэц бүрэлдэхүүнийг хумих, орон тоог хязгаарлах, шинээр яам байгуулахгүй байх гэх мэт зарчмын шаардлагууд тавихаар бэлтгэж эхэлсэн байна. Эдгээр шаардлагуудыг биелүүлэхгүй бол Засгийн газрыг байгуулахад гараа өргөхгүй гэж байгаа аж. Ингэснээр Засгийн газрыг байгуулах хэлэлцээр улам л удааширах хандлагатай боллоо.
    Наадмын энэ өдрүүдэд ард түмэн амарч наргиж, цэнгэж байхад АН-ынхан бусадтай хэл амаа ололцох гэж, наймаа тохироогоо хийх гэж нилээд уулзалтуудыг товлосон сураг бий. Ийнхүү наадам цэнгэлээр дамжуулж дарга нар ажил хэрэг ч уулзалтуудаа үргэлжүүлж байна.  /