Өнөөдөр Гадаад харилцааны яамнаас Далай ламтай холбоотой сүүлийн үед гарсан мэдээлэлд тайлбар өглөө.

Тодруулбал, өчигдөр Энэтхэг улсын улс төрийн сэтгүүлд Далай ламын Монголд айлчилсан шалтгааныг нэг тэрбум төгрөгийн зээлтэй холбон шүүмжилсэн юм. Нийтлэлд тус улсын гадаад харилцааны яамыг буруутгасан байв. Эл асуудалд манай улсын зүгээс

 "Манай хилийн чанадад байгаа дипломат төлөөлөгчийн газрын тэргүүнүүд тэр дундаа Элчид сайд, Ерөнхий консул, консулууд төвөөсөө зөвшөөрөл авч байж суугаа орныхоо хэвлэл мэдээллийн байгууллагад ярилцлага өгдөг.

Энэтхэгийн тэрбум ам.долларын хөнгөлөлттэй зээлийн шугамтай холбоотой мэдээллээр хэвлэлд өгсөн ярилцлагыг тодруулах үүрэг даалгаврыг Элчин сайдад өгчихсөн байгаа. Удахгүй хариу ирнэ" гэв.

Мөн Далай ламд виз олгосон ажилтныг ажлаас нь халсан асуудлын хувьд "Энэ нь өөрөө Төрийн нууцын зохих зэрэглэлтэй холбоотой учраас ямар нэгэн хариу, тайлбар, мэдээлэл өгөх боломжгүй байна " гэлээ.

Түүнчлэн олны анхаарлыг хамгийн их татаж нийгэмд халуун сэдвийг өрнүүлээд байсан ОХУ-ын Дипломатчийн хэргийг Цагдаагийн байгууллага шалгаж байгаа аж.