С.Зориг агсныг хөнөөсөн хэргийн шүүх хурал 18 жилийн дараа болж өчигдөр шүүх бүрэлдэхүүн шийдвэрээ гаргасан.

Олны анхаарлын төвд байсан энэхүү шүүх хурлын талаар Ардчилсан намын дарга З.Энхболд "Би С.Оюуны цаасаар гаргасан мэдэгдлийг харсан. Шүүхийг бид шүүж болохгүй юм. Шүүхийн буруу, зөрүүг шүүх шүүдэг хуультай. Тэр хуулиараа явсан дээр байх.

Шүүх хурал нь хаалттай болсон. Шүүх хурал нь нээлттэй болоод нотлох баримтад ямар нэгэн үнэлэлт, дүгнэлт өгөх бололцоо гарсан бол тэр тухай ярьж болно. Эргэлзээ байгаа бол давж заалдах шаттай. Тэр нь таалагдахгүй бол хянуулдаг. Анхан шатны шүүх алдаа гаргаж болно. Түүнийг нь хянадаг. Хэрэг хийсэн хүн хийгээгүй гэж хэлдэг. Хийсэн гэдгийг гарцаагүй нотлох баримтаар нотолдог мөрдөн байцаагч, прокурор байна. Энэ бүх систем учрыг нь олох байлгүй дээ. Энэ гэмт хэрэг шүүхээр орсон учраас ил болох учиртай. Нууж хаасан юм болгон хардлага дагуулдаг. Тэгэхээр ил болох ёстой" хэмээсэн.