Нийтийн дууны ертөнцөнд өнгө нэмсэн хосоор нэрлэгдээд байсан Б.Болд, Э.Чулуунчимэг нар хамтын амьдралдаа цэг тавьж буй мэдээлэл сошиал ертөнцөд газар авч байна. Саяхан "Жаргатай айл манайх" хамтарсан уран бүтээлийн тоглолтоо хийж байсан уран бүтээлч хосуудын энэ дуулианыг үзэгчид үл итгэсэн байдлаар хүлэн авч байгаа. Зарим нь  дуучны нүүр ном хакерт өртөөгүй байгаа хэмээжээ. Үнэхээр олны хайр хүндлэлийг хүлээдэг уран бүтээлч хосуудын маань нүүр ном хакерт өртсөн байгаасай.

Дуучин СТА Чулуунчимэг өөрийн фэйсбүүк хуудсандаа: 

Хайрлаад хайрлаад байхад

Хайр даадаггүй

Уучлаад уучлаад байхад

Алдаагаа ухаардаггүй

Тэвчээд тэвчээд байхад

Гэм нүглээ ойлгодоггүй

Эхнэр гэдгийг эд хогшил мэт санаж

Энхэр биеийг нь сэвтээж гэмтээж

Харын өвчинд тархи нь идэгдэж

Харгис авир зүрхэнд нь хуралдсан

Алдар нэр зоос мөнгийг

Амьдралын гол зорилго мэт андуурч

Өнгөний сайхан сэтгэлийн сайхныг

Үзэж ялгах ухаан нь балартсан

Нүүр дүүрэн гэмгүй төрхөөрөө

Нүгэлт төрхөө нуун далдалсан

Ичих нүүр эрээ цээргүй

Эрийн оронцог болсон чамайг

Энэ бие энхрий үрээс минь гадна

Бурхан тэнгэр харж байгааг сана

Бусдын нүд ч сохор бишийг ойлго

Үйлийн үр нүглийн төлөөс

Үг дуугүй л чамруу очно

Түмэн олны хайрыг хүндэлж

Түнэр хар төрхийг чинь нууж

Таван жилийг ардаа үдсэн.

Тэвчээрт хязгаар байдаг л юм байна

Тэсэхгүй өнөөдөр үгээ хэлж байна

Үрийн минь эцэг сайн л явбал

Үнэхээр бусад нь надад хамаагүй

Ямар хүнийг дутуу үнэлж

Яаж чи доромжилж байснаа

Ойлгоцгоох өдөр ирнэ гэдэгт найдъя

Одоо угаасаа бүх зүйл дууссан

Ёсолж тавьсан хадаг яндараа

Нэхээд авах ёсыг сонсож байсангүй

Олоон жилийг хамт туулаагүй ч

Олон л зүйлийг чамаас мэдэрлээ

Гэгээн сайхан ч зөндөө л байлаа

Гэрэлгүй галгүй ч амьдарч үзлээ

Ирээдүйд яаж галтай явахыг минь

Хараад л суухаас өөр хувь чамд үлдээгүй… хэмээн нийтэлжээ.