Засгийн газраас хэрэгжүүлсэн “Нүүрс” хөтөлбөрийг хариуцан ажилласан Л.Гансүх улсад их хэмжээнхий хохирол учруулсан гэх үндэслэлээр 3 жил зургаан сарын хорих ялаар шийтгүүлсэн билээ. Тэгвэл тэрбээр тун удахгүй суллагдаж магадгүй байна. Л.Гансүх Төв аймгийн хорих ангид нэг жил 7 сар хоригдож байгаа ч өнгөрөгч долоо хоногт хорих ангиас Монгол Улсын Ерөнхийлөгчид хандан захидал илгээсэн. Тэрбээр захидалдаа магадланд орох бүх л шаардлагыг хангасан байхад прокурорын байгууллагаас хэргийг шүүхэд удаа дараа шилжүүлэхгүй байгаа талаар дурдсан юм. Тэгвэл гурав дахь удаагаа буцаасан хүсэлтийг аймгийн прокурорын газраас хянаж үзээд шүүхэд шилжүүлжээ. Өөрөөр хэлбэл Л.Гансүх магадлангаар суллагдаж магадгүй байна. Прокурорын газраас шаардлага хангасан гэж танилцуулсан учир одоо шүүх хурлаар хүсэлтийг авч хэлэлцээд хорих ялаас үлдсэн хугацааг нь тэнсэн харгалзах ялтай суллах эсэхийг нь шийдэх юм байна.