УИХ-ын Хууль зүйн байнгын хорооны өнөөдрийн хуралдаанаар “Эрдэнэт” үйлдвэрийн 49 хувьтай холбоотой худалдан авалтыг шалгасан ажлын хэсгийн дүгнэлтийг хэлэлцэнэ. Монголын “саалийн үнээ” болох Эрдэнэт үйлдвэрийн 49 хувийг төр өөрийн мэдэлдээ авах уу хувийн хэвшилд нь үлдээх үү гэдгийг иргэд төдийгүй хөрөнгө оруулагчид ч анхааралтай ажиглаж буй юм. Энэ асуудлаар чуулганы үдээс өмнө хуралдаанаар

УИХ-ын гишүүн С.Эрдэнэ "Эрдэнэт"-ийн 49 хувийн асуудлыг холбогдох хуулийн дагуу шалгалтыг хийсэн гэж үзэж байгаа. Холбогдох бүх хүмүүсийг бүгдийг нь байлгаж байгаад энэ асуудлыг шийдэх хэрэгтэй. Мөн ганц 49 хувь ч биш 51 хувьтай холбоотой асуудлыг шалгаж, ярих хэрэгтэй байна. 51 хувьтай холбоотой шахааны бизнес, зээлийн асуудал байгаа. Үүнийг хамтад нь шалга. Тиймээс УИХ-аас "Эрдэнэт" үйлдвэрийг бүхэлд нь шалгах Ажлын хэсэг гаргах санал гаргаж үзэж байна” гэсэн ч

УИХ-ын дарга М.Энхболд "Эрдэнэт"-ийн асуудлаар Хууль зүйн байнгын хорооны дүгнэлтийг эцэслэн УИХ-д оруулж ирээгүй байна. Хэрвээ Хууль зүйн байнгын хороо асуудлаа оруулж ирвэл "Эрдэнэт"-ийн асуудлыг чуулган завсарлахаас өмнө хэлэлцэх боломж байна. Гэхдээ чуулганаар Эрдэнэттэй холбоотой асуудлыг хэлэлцэхээр болбол бүх талын төлөөллийг оролцуулж, саналыг нь сонсох хэрэгтэй. "Эрдэнэт" үйлдвэрийн 49 хувийг эзэмшигч талынх нь хүмүүс миний нэр дээр бичиг ирүүлсэн. Энэ албан бичигт талуудын оролцоог хангаж өгөөч, биднээс асууж тодруулахгүй байна, Байнгын хорооны хуралдаанд оролцуулахгүй байна, нэг талын дүгнэлтээр тулгалт хийж байна гэсэн байсан. Энэ албан бичгийг Хууль зүйн Байнгын хорооны дарга Ш.Раднаасэдэд хүргүүлсэн байгаа. Хэрвээ УИХ-аар хэлэлцэхээр болбол бүх талын төлөөллийг оролцуулж хэлэлцэх ёстой” гэсэн юм.