Мэдээлэл холбооны сүлжээ төрийн өмчит компани нь Монгол улсын 21 аймаг 285 сумдын өргөн уудам нутаг дэвсгэрийг хамарсан 17435 км мэдээлэл холбооны үндсэн сүлжээ болох улс, хот хооронд, орон нутгийн дамжуулах байгууламжийн нэгдсэн сүлжээг эзэмшиж, тэдгээрийн байнгын тасралтгүй ажиллагаа, ашиглалт үйлчилгээг хариуцан ажиллаж, түүгээр дамжуулан харилцаа холбооны олон төрлийн үйлчилгээ үзүүлж байна.
Тус компанийн Удирдах ажилтны сургалт, зөвлөгөөн 2017.02.20-23 өдрүүдэд Улаанбаатар хотноо болж өндөрлөлөө. Зөвлөгөөнөөр тус компанийн удирдах ажилтнууд 2016 онд хийж хэрэгжүүлсэн ажлуудаа эргэн дүгнэж, 2017 онд өмнөө тавьж буй зорилтууд болон цаашид баримтлах бодлогын чиглэл, төлөвлөгөөгөө ярилцлаа. Мөн энэ үеэр өнгөрөгч 2016 онд эрхэлсэн ажилдаа өндөр амжилт гаргаж, ажил үйлсээрээ байгууллага, хамт олноо манлайлсан аймгийн газар нэгжүүд болон шилдэг ажилтнуудаа тодрууллаа.
КОМПАНИЙН ШИЛДГҮҮД
Шилдэг газрууд: 1 дүгээр байр - Завхан аймгийн газар
2 дугаар байр - Архангай аймгийн газар
3 дугаар байр - Төв аймгийн газар
Шилдэг ажилтнууд: Шилдэг Ерөнхий Инженер - Завхан аймгийн газрын ерөнхий инженер Ц.Эрдэнэсайхан
Шилдэг инженер - Үндсэн сүлжээний газрын шилэн кабелийн засварын инженер Г.Мягмарсүрэн
Шилдэг инженер - Технологи ашиглалтын газрын хяналтын ажилтан Т.Нямсүрэн Шилдэг инженер - Улаанбаатар хот дахь салбарын КШ-32 дугаар тасгийн ахлах инженер С.Өлзийбат
Шилдэг ажилтан - Хөрөнгө оруулалтын хэлтсийн ажилтан С.Янжинбал
Шилдэг ажилтан - Ховд аймгийн газрын ерөнхий нягтлан бодогч Б.Цэвэгмэд
Шилдэг техникийн ажилтан - Улаанбаатар хот дахь салбарын Бүртгэл төлөвлөлтийн тасгийн хайгуулын техникч С.Мөнхбат
Шилдэг техникийн ажилтан - Сүхбаатар аймгийн газрын кабельчин Ч.Цогоо
Шилдэг үйлчилгээний ажилтан - Баянхонгор аймгийн газрын сантехникч Б.Нямхүү Шилдэг үйлчилгээний ажилтан - Аж ахуй үйлчилгээний хэлтсийн сантехникч З.Хаянхярваа
Шилдэг үйлчилгээний ажилтан - Үндсэн сүлжээний газрын жолооч Ц.Хаданчулуун Компанийн 1400 гаруй инженер техникийн ажилтнууд дундаас ажлын амжилтаараа шилдгээр шалгарсан дээрх нэр бүхий хүмүүст баяр хүргэж, аз жаргал сайн сайхан бүхнийг хүсэн ерөөе.
