Болгарын Бургас нисэх буудалд Израйлийн жуулчдын автобусыг дэлбэлсэн амиа золиослогчийн дүрс нисэх буудлын камерт үлдсэн байна. Амиа золиослогч этгээд үүргэвч үүрсэн, шар үстэй цагаан арьстан байжээ. Гэмт этгээд дэлбэрэлт болохын өмнөхөн нисэх буудлын терминалаас гарч явсан нь камерын бичлэгт үлджээ. Болгарын албаны хүмүүсийн мэдээлснээр амиа золиослогч АНУ-ын хуурамч жолооны үнэмлэхтэй, 36 настай хүн байжээ.
  Бургас нисэх буудалд жуулчны автобусанд амиа золиослогч тэсрэх бөмбөг тавьснаас болж Израйлийн таван жуулчин, автобусын жолооч нас барсан юм. Израйлийн тал дээрх халдлагад Леваны Хезболлах бүлэглэлийг буруутгаж байгаа.
Израйлийн тал дээрх халдлага нь цөмийн эрдэмтдийг хөнөөсөн аллагын хариу дахь Ираны өшөө авалт байж болзошгүй гэж таамаглаж байгаа ч Ираны албаны хүмүүс дээрх дэлбэрэлтэд алан хядагчдын хийсэн ажил хэмээн  үзэж байна. Нисэх буудал эргээд хэвийн ажиллагаанд орсон байна. Болгарт Израйлийн жуулчид олноор очиж амардаг тул Израйлийн тал жуулчдын аюулгүй байдалд анхаарахыг тус улсаас хүссэн байна.