МУ-ын олимпийн түүхэн замнал болоод буй “Лондон-2012” оны зуны XXX олимпод улсаа төлөөлөн оролцож буй баг тамирчдын тухай 24 баримтыг хүргэж байна.
    МУ-ын олимпийн түүхэн замнал болоод буй “Лондон-2012” оны зуны XXX олимпод улсаа төлөөлөн оролцож буй баг тамирчдын тухай 24 баримтыг хүргэж байна.

1.    “Лондон-2012” оны зуны XXX олимпод манай улсаас долоон төрөлд нийт 29 тамирчин оролцож байна.
2.    Монгол Улс 1962 онд ОУОХ-нд элсэн орж, бүрэн эрхт гишүүн болсон. Ийнхүү анх 1964 онд МУ анхны олимпод оролцсон байна.
3.    Ерөнхийлөгч Ц.Элбэгдорж “Лондон-2012” олимпийн наадамд зочноороо Гандантэгчилэн хийдийн хамба лам Д.Чойжамц болон хөдөлмөрийн баатар Х.Цагаанбаатар нарыг  авч явсан.
4.    “Лондон-2012” олимпийн наадамд оролцох Монгол Улсын баг, тамирчдын ахлагчаар Шадар сайд, “Олимп хөгжил” сангийн тэргүүн  М.Энхболд ажиллаж байгаа.
5.    Зуны олимпийн XXX наадмын Монголын баг, эх орон, ард түмэн, тамирчдаа төлөөлөх шигшээ багийн тугчаар Монгол Улсын Гавьяат тамирчин Б.Сэр-Од тодорсон. Монголын спортын түүхэнд анх удаа марафон гүйлтийн тамирчин олимпийн тугчаар явж байгаа юм.
6.    Олимпод Монгол Улсаа төлөөлөн оролцох хамгийн залуу тамирчнаар усан сэлэлтийн төрөлд оролцож буй Г.Оюунгэрэл, боксын төрөлд оролцож байгаа. Тэд 1992 онд  төржээ.
7.    Манай улс 1964 оны анхны олимпоос медаль хүртэж чадаагүй. Тус олимпод 21 тамирчин оролцож байжээ.
8.    1968 онд 16 тамирчин Мехиког зорьж нэг мөнгө, гурван хүрэл медаль хүртэж, шагналт байранд хоёр тамирчин орсон байна. Ийнхүү 112 орон оролцсон тус олимпоос Монгол Улс 27 дугаар байранд орж байжээ. Монгол Улс медаль хүртсэн орны тоогоор 199 орноос 51 дүгээр байрт орж байсан аж.
9.    Олимпийн баг тамирчдын хувцас, хэрэглэлийг Японы “Asics” фирмээр  захиалан хийлгэжээ. Энэ хувцас нь 13 төрлийн иж бүрдлээс бүрдэж байгаа.
10.    “Лондон-2012” зуны олимпийн наадамд оролцох Монголын баг, тамирчдыг төлөөлж, жүдо бөхийн төрөлд өрсөлдөх Монгол Улсын Хөдөлмөрийн баатар, Гавьяат тамирчин Х.Цагаанбаатар, Гавьяат тамирчин М.Бундмаа нар тамирчдын баг тангараг өргөн эх орноосоо мордсон.
11.    Монгол Улс олимпийн түүхэнд нийт 19 медаль хүртсэн бөгөөд хоёр алт, долоон мөнгө, 10 хүрэл хүртэж байжээ.
12.    Энэ удаа хамгийн ахмад настай тамирчнаар байт харвааны төрөлд оролцож байгаа 40 настай Ж.Гантөгс мөн Монгол Улсын Хөдөлмөрийн Баатар, Ардын багш 62 настай Ч.Насантогтох нар юм.
13.    1972 оны Мюнхений олимпод 41 тамирчин явж нэг мөнгөн медаль, шагналт байр хоёрыг эзэлж, 121 орноос 36-д эрэмбэлэгдсэн.
14.    Хамгийн олон буюу 43 тамирчин оролцсон 1980 оны Москвагийн олимпоос хоёр мөнгө, хоёр хүрэл медаль, таван шагналт байр эзэлж, 80 орноос 22 дугаар байрт орсон нь хамгийн өндөр үзүүлэлт юм.
15.    1988 оны Сөүлийн олимпод манай 28 тамирчин оролцож нэг хүрэл медаль, таван шагналт байр хүртэж, 159 орноос 47-д оржээ.
16.    Дэлхийн шилдэг 57 шүүгчийг багтаасан энэхүү жагсаалтад Монгол Улсын иргэн, олон улсын олимпийн зэрэглэлийн шүүгч Цэрэндагвын Сэрээтэр багтсан байна. 1992 оны Барселоны олимпод 33 тамирчин явснаас хоёр хүрэл медаль зүүж, шагналт байранд мөн хоёр тамирчин орсноор тус олимпод оролцсон 169 орноос 48 дугаар байрыг эзэлсэн байна.
17.    2012 оны олимпод Засгийн газраас нийтдээ 9.6 тэрбум, үүнээс олимпийн наадамд 4,5 тэрбум төгрөгийн төсөв батлагдсан нь 2008 оныхтой харьцуулбал нэг дахин нэмэгдсэн.
18.    1996 оны Атлантын олимпод 18 тамирчин оролцож, нэг хүрэл медаль хүртэж, 179 орноос 71 дүгээр байрт оржээ.
19.    Засгийн газрын 326 дугаар тогтоолоор олимпоос алтан медаль хүртсэн тамирчин 120 сая, дасгалжуулагч нь 60 сая, мөнгөн медаль хүртсэн тамирчин 80 сая, дасгалжуулагч нь 40 сая, хүрэл медаль хүртсэн тамирчин 40 сая, дасгалжуулагч нь 20 сая төгрөгийн шагнал тус тус авдаг байна.
20.    2004 оны Афины олимпод жүдо бөхийн 60 кг-ийн жинд барилдсан Хашбаатарын Цагаанбаатар хүрэл медаль хүртжээ.
21.    1992 оны Барселоны олимпод 33 тамирчин явснаас хоёр хүрэл медаль зүүж, шагналт байранд мөн хоёр тамирчин орсноор тус олимпод оролцсон 169 орноос 48 дугаар байрыг эзэлсэн байна.
22.     2008 оны Бээжингийн олимпод жүдо бөхийн 100 кг-ийн жинд барилдсан Н.Түвшинбаяр алтан медаль хүртсэн ба 25м-н спорт гар бууны төрөлд спортын мастер О.Гүндэгмаа мөнгөн медаль, боксын төрөлд Э.Бадар-Ууган алтан медаль, П.Сэрдамба мөнгөн медаль хүртсэн.
23.    Монгол  улсын  түүхэндээ  анх удаа олимпоос хоёр алтан медаль авсан. “Бээжин-2008”, жүдо бөхийн төрөлд  Н.Түвшинбаяр,  боксоор Э.Бадар-Ууган нар авч байсан.
24.    БТСГ-ын дарга Ч.Наранбаатартай “Олимпод оролцох нийт тамирчдын 80 хувь нь Европын орнуудад бэлтгэл хийсэн. Тэр дундаа Болгар, Польш, Герман, Англитай холбоо тогтоож, тамирчдынхаа  бэлтгэлийг сайтар базаасан” гэжээ.