МАХН-ын дарга Н.Энхбаяр дахин Үндсэн хуулийн цэцэд хандахаар болжээ. СЕХ-ноос МАХН-МҮАН-ын “Шударга ёс” эвслээс намын жагсаалтад байсан Н.Энхбаяр С.Нарангэрэл, Э.Батшугар нарыг УИХ-д нэр дэвших боломжгүй хэмээн хассан. Тиймээс тэд СЕХ Үндсэн хууль зөрчсөн хэмээн Үндсэн хуулийн цэцэд хандаад байсан билээ. Цэц уг асуудлыг хэлэлцэж, “МАХН-ын дарга Н.Энхбаярыг УИХ-ын сонгуулийн тухай хуулийн 27 дугаар зүйлийн 27.5.2, 29 дүгээр зүйлийн 29.11.4 дэх хэсэг, Сонгуулийн төв байгууллагын тухай хуулийн 12 дугаар зүйлийн 12.3 дахь хэсгийг, С.Нарангэрэл, С.Авирмэд нарыг УИХ-ын сонгуулийн тухай хуулийн 26 дугаар зүйлийн 26.6., 26.7 дугаар зүйлийг, Н.Санжаадоржийг УИХ-ын сонгуулийн тухай хуулийн 26 дугаар зүйлийн 26.6 дугаар зүйлийг, Э.Батшугарыг УИХ-ын сонгуулийн тухай хуулийн 26.4-г зөрчсөн” гэсэн гомдол нь Үндсэн хуулийн зарим зүйл заалтыг зөрчөөгүй. Тиймээс маргаан үүсэх үндэслэлгүй хэмээн үзсэн юм. Гэвч тэд цэцийн шийдвэрийг эсэргүүцэж, дахин гомдол гаргаад байсан билээ. Тэдний гомдлыг энэ сарын 20-нд Бага суудлын хуралдаанаар дахин хэлэлцэж, Т.Лхагва шүүгчийн гаргасан шийдвэрийг үндэслэлтэй хэмээн үзсэн юм. Тиймээс тус эвсэл цэцийн шийдвэрийг хүлээн авч, СЕХ-ноос Э.Батшугар, С.Нарангэрэл нарыг хассаныг хүлээн зөвшөөрсөн ч харин Н.Энхбаярыг хассан нь үндэслэлгүй хэмээн дахин цэцэд хандахаар болсон аж. Б.Чимэг
