Сүүлийн үед олны өмнө нээлттэй гарч эхлээд буй Хойд Солонгосын залгамжлагч Их Удирдагч Ким Чен Уны эхнэр Өмнөд Солонгост ирж байсныг тус улсын Тагнуулын Ерөнхий газраас өчигдөр мэдээллээ.
    Сүүлийн үед олны өмнө нээлттэй гарч эхлээд буй Хойд Солонгосын залгамжлагч Их Удирдагч Ким Чен Уны эхнэр Өмнөд Солонгост ирж байсныг тус улсын Тагнуулын Ерөнхий газраас өчигдөр мэдээллээ. Түүний эхнэр Ли Сол Жү нь Пёнгянг хотод жирийн нэгэн алба хаагчийн гэр бүлд төрж өссөн байна.
    2004 оны долдугаар сарын 19-нд Хойд Солонгосын Кымгангсан хэмээх аялал зуучлалын бүсэд болсон Хоёр Солонгосыг нэгтгэхийн төлөөх спорт , урлагийн тоглолтонд дунд сургуулийн сурагч байхдаа оролцож байжээ. Мөн 2005 оны есдүгээр сард Инчон хотноо болсон Азийн спортын тоглолтонд Пёнгянг хотын Урлагийн Их Сургууль болон Ким Ил Сений нэрэмжит Их Сургуулийн 17-19 насны эмэгтэй оюутнууд дундаас шалгаруулан авсан 100 хөгжөөн дэмжигч оюутан охидын тоонд багтаж,  Өмнөд Солонгост ирж байсан аж.
Тухайн үед болж байсан урлагийн тоглолтонд оролцож байсан Ли Сол Жү дуучин охидын тэргүүн эгнээнд зогсож байсныг Солонгосын интернэт хэрэглэгчид “Тэрээр үнэхээр хамгийн царайлаг , хамгийн шилдэг байсан нь тодорхой” хэмээн бичжээ.
    2007 оны долдугаар сард Хойд Солонгосын Кымгангсан ууланд аялаж очсон Өмнөд Солонгос жуулчдад бяцхан урлагийн тоглолт үзүүлж байсан охидын тоонд багтаж байсан Ли Сол Жү, тэдэнтэй зургаа авахуулах бас нэгэн үүрэг гүйцэтгэж байсан бөгөөд ингэж авахуулсан түүний зураг өнөөдөр интернэтээр ихээхэн тархаад байгаа юм байна.