Будант Албьоны нийслэл Лондон зуны XXX олимпийн наадмын нээлтийн үйл ажиллагаа орон нутгийн цагаар 21.00, Монголын цагаар 04.00 цагт эхэлсэн нээлтийн ёслол гурван цаг орчим хугацаанд үргэлжлэв. "Лондон-2012"-ын нээлтийн ёслолын уран сайхны найруулагч Дэнни Бойлын чухам ямар сюрприз бэлтгэснийг дэлхий нийтээрээ харж суусан.
  Тэрбээр зуны олимпийн наадмыг гурав дахь удаагаа хүлээн авч буй Лондон хот Их Британи гүрний өв соёл, түүх дурсгал, уламжлалыг илтгэх бүхий л зүйлсийг багтаахыг хичээсэн гэдэг. Мөн энэхүү олимпийн нээлтийн ажиллагааны нэгэн сюрприз нь Их Британийн хошин жүжигчин Mr.Bean байлаа.
Лондонгийн алдарт симфони найрал хөгжмийг дэлхийн шилдэг удирдаач Сэр Саймон Рэттл удирдаж, Mr.Bean буюу жүжигчин Рован Аткинсон "хөгжим” тоглов. Харин тэрбээр өнөөх л сэтгэл ханамжгүй залхсан дүрээр  үзэгчдийг хөгжөөх үүргээ чадварлагаар бүтээж байлаа.