Өнөөдөр Х.Цагаанбаатар жудо бөхийн эрэгтэй 66 кг-ийн жинд 16.30 цагаас барилдах гэж байна. Тэрээр эхний гараагаа Каи Вен Ту хэмээх Тайван тамирчинтай барилдах юм. Х.Цагаанбаатар жүдо бөхийн 66 кг-ын жинд гурван жил гаруй хугацаанд дэлхийн чансааг тасралтгүй тэргүүлсэн юм. 2003 оны Азийн аваргын алтан медаль юм. Мөн 2004 оны Афины олимпийн жүдо бөхийн 66 кг-ын жинд зодоглож, хүрэл медаль хүртэж байв. Олимпоос анхны медалиа авсан жилдээ тэрбээр Монгол Улсын манлай тамирчин болж, улмаар 2005 онд самбо бөхийн дэлхийн аварга, 2006 онд Азийн XV наадмын аварга, оюутны дэлхийн аварга, Зүүн Азийн аварга, “Korea Open” тэмцээний аварга, 2009 оны дэлхийн аварга, “Их дуулга”, Гранпри зэрэг олон тэмцээн уралдаанд түрүүлсэн байна.
Ц.Болор
