Олон улсын хэмжээний мастер Б.Түвшинбат “Лондон-2012” олимпод боксын эрэгтэй  69 кг-ийн жинд оролцож байгаа билээ. Тэрээр өнөөдөр орой буюу 22.00 цагт тэмцээнээ эхлэх гэж байна.

Казахстаны нийслэл Астана хотноо өнгөрөгч дөрөвдүгээр сард болсон олимпийн эрх олгох Ази тивийн тэмцээнээс мөнгөн медаль хүртэж, олимпийн эрхээ өвөртөлсөн Б.Түвшинбатын хувьд "Лондон-2012" анхны олимп нь юм. Азийн аваргын мөнгө, хүрэл медальт, оюутны дэлхийн аварга тэрбээр 1998 оноос боксын спортоор хичээллэж эхэлжээ.