Жүдо бөхийн тэмцээний эрэгтэйчүүдийн 66 кг-ын жинд Лондонгийн олимпийн наадамд барилдаж байгаа Х.Цагаанбаатар өнөөдөр анхны ялалтаа авлаа. Тэрбээр "С" хэсэгт эхний тойрогт гоц мөргөсөн бол хоёрдугаар тойрогт Тайваны бөхтэй учраа таарсан. Энэ барилдаанд Х.Цагаанбаатар өрсөлдөгч Ту Кай Венийг вазари үнэлгээгээр ялснаар дараагийн тойрогт барилдах эрхээ аваад байна. Түүнийг бэлтгэлээ сайн хангасан гэж ажиглагчид дүгнэж байгаа. Харин дараагийн тойрогт тэрбээр Австри, Английн тамирчдын аль ялсантай нь хүч үзэх юм.