Дэлхийн томоохон телевизүүд Лондонгийн олимпод оролцох манай жүдо бөхийн тамирчдыг хэдийнэ судлаад эхэлжээ. Бэлтгэлийн явцаас нь эхлээд алхам бүрийг нь ажиглаж байгаа гэнэ. Ройтерс агентлагийн сэтгүүлч 2008 оны Бээжингийн олимпийн -100 кг-ийн жингийн аварга Н.Түвшинбаяртай уулзаж ярилцсан байна. Н.Түвшинбаяр хэлэхдээ "2008 оны Бээжингийн олимпийн аваргын амжилтаа бататган алтан медалийн төлөө барилдах болно. Итгэл найдвар байгаа болохоор энд ирсэн" гэжээ.
   Мөн гавьяат тамирчин М.Бундмаагийн өмнөх оролцож байсан тэмцээний амжилтуудыг нь ч дэлхийн бөх сонирхогчдын  анхаарлыг  ихэд татдаг. Түүнтэй ч бас ярилцсан байна. М.Бундмаа "Бэлтгэл сайн байгаа болохоор Лондонгийн олимпоос ямар ч байсан медаль хүртэнэ" хэмээн итгэл  төгс ярьжээ.
Түүнчлэн Афины олимпийн хүрэл мөдальт, дэлхийн аварга Х.Цагаанбаатарыг олимпоос медаль хүртэх тамирчдын тоонд оруулан бичсэн байна.