Олимпийн наадмын жүдо бөхийн эмэгтэйчүүдийн хамгийн хөнгөн жин болох 48 кг-д ОУХМ Д. Сумъяа  өнөөдөр 16:30 цагаас зодоглох юм. Тэрээр  эхний барилдаанд хийлж, хоёрдугаар тойрогт Казахстаны бөх Александа Подрядоватай барилдахаар сугалаа таарчээ. Тус жинд 19 жүдоч барилдана.
  "Хилчин" спорт  хорооны тамирчин Д. Сумъяа Олон улсын жүдо бөхийн холбоо (IJF)  холбооноос олимпийн эрхээ авсан. Тэрээр олимпийн эрх олгох тэмцээнүүдээс нийт 350 оноо цуглуулж, жиндээ 27-д бичигдэж байсан юм. Гол оноонуудаа өнгөрсөн өвөл болсон Европын цуврал тэмцээнүүдээс авсан билээ.