Хойд Солонгост үерийн улмаас олон хүн орон гэргүй болсон байна. Үерийн гамшигт нэрвэгдсэн иргэд хоол хүнсний гачигдалд ороод байгаа юм.
Тус улсын албаны хүмүүсийн мэдээлснээр хэдэн өдөр дараалан орсон хүчтэй бороо болон хар салхины дэгдэлтийн улмаас үерийн гамшиг нөмөрчээ. Түүнчлэн үерийн улмаас 88 хүн амиа алдаж, их хэмжээний эд материалын хохирол амссан байна. Түүнчлэн энэ зун урьд урьдынхаас илүү хур ихтэй байгаа тул тус улсын Засгийн газраас үерт нэрвэгдсэн ард иргэддээ хоол хүнс хүргүүлэхэд хүндрэлтэй байгаа гэнэ.