АН, МАН-ын удирдлагууд өнгөрсөн баасан гарагт уулзан УИХ-ын гацааг арилгах талаар ярилцаж, ажлын хэсэг гаргахаар болсон. Гэсэн ч МАН-ын шаардлагыг нөгөө тал нь хүлээж авах боломжгүй гэсэн тул бас ахин гацаандаа оров. МАН-ын 25 гишүүн УИХ-ын даргыг хууль бусаар томилсон гэж чуулганд суугаагүй, бүлэг байгуулах өргөдлөө өгөөгүй. Үүнийг нь АН-ынхан хууль бус гэж үзэж байгаа тул цаашдаа МАН-ынхан сул гишүүн гэсэн статустай болох магадлалтай гэв. Мөн УИХ-д байнгын хороодыг байгуулах гэхээр МАН-аас бусад гишүүдийн тоо дутаж байгаа юм. Тиймээс АН байнгын хороодын гишүүний тоог багасгаж, МАН-ын гишүүдгүйгээр байгуулах санал гаргаад байна. Тэд ойрын өдрүүдэд энэ хүсэлтээ УИХ-ын дарга З.Энхболдод тавих гэнэ.