Баянгол дүүргийн 15 дугаар хороонд байрлах, 1000 нэрийн барааны дэлгүүрийн арын хогийн цэг дээр тодорхой оршин суух хаяггүй, 35-40 орчим насны эмэгтэй хүн өчигдөр нас барсан байсныг цагдаагийн байгууллага шалгаж, цогцсыг Шүүх эмнэлэгт хүргүүлсэн байна. Мөн  Чингэлтэй дүүргийн 19 дүгээр хорооны иргэн Г-ийн бөөрний тус газар эхнэр Ч нь согтуурсан үедээ хайчаар хатгаж гэмтээсэн хэрэг гарчээ. Түүнчлэн, Сонгинохайрхан дүүргийн 17 дугаар хороонд Б гэдэг эмэгтэйг цэнхэр өнгийн портер машинтай зүс таних хоёр залуу хүчиндсэн хэрэг гарсан бол Баянзүрх дүүргийн 14 дүгээр хороо, ХӨСҮТ-ийн орчимд явсан П-г Б нь бусадтай бүлэглэн “гар утсаараа яриулсангүй” гэж зодож танхайрсан гэх хэргүүдийг харьяа цагдаагийн байгууллагууд шалгаж байна.