“Ардчиллыг бэхжүүлэх, хүний эрхийг дээдлэх, хууль эрхзүйн орчныг сайжруулах, эдийн засгийн хөгжлийг хурдасгах чиглэлээр Таны болон танай Засгийн газрын хийж хэрэгжүүлж буй бодлого үйл ажиллагаа амжилт олж буйд бид талархаж  байна.  Танай орны эдийн засаг хурдацтай өсч байгаа энэ цаг үед хөрөнгө оруулагчдын зүгээс Монгол руу хандах анхаарал улам бүр нэмэгдэж байна. Ялангуяа уул уурхай, боловсрол, технологи, хөдөө аж ахуйн салбарын хамтын ажиллагааг өргөжүүлэх, хөрөнгө оруулалтыг нэмэгдүүлэх нь чухал юм” гэж Уильям Хэйг ярилаа.

    Ерөнхийлөгч Ц.Элбэгдорж хоёр орны хооронд дипломат харилцаа тогтоосон 50 жилийн хугацаанд  Британи манай улсад бүх талаар тусалж дэмжиж ирсэнд талархаж байгаагаа илэрхийлэв. Хоёр орны харилцан ашигтай хамтын ажиллагаа сүүлийн жилүүдэд улам бүр идэвхжиж байгааг дурдаад, худалдаа эдийн засгийн шинэ  боломжууд нээгдэж, боловсрол , соёл шинжлэх ухаан, батлан хамгаалах салбарт шинэ хэлбэрээр хамтран ажиллах болсон нь харилцаанд  чухал түлхэц болж буйг онцлов.

Энэхүү уулзалтад Британийн гадаад хэрэг, хамтын нөхөрлөлийн яамны Төрийн сайд Жэрими Браун байлцлаа.