АНУ-д болсон "Хар Баасан" дэлхийн цорын ганц 100 тэрбумтаныг "төрүүлжээ".  Худалдаа эхэлсэнтэй холбоотойгоор Амазон компанийн хувьцааны үнэ 2 хувиар нэмэгдсэн нь өнгөрсөн оны үзүүлэлтээс 18.4 хувь өссөн дүн болсон байна.

Үүний үр дүнд тус компанийн үүсгэн байгуулагч, гүйцэтгэх захирал Жэф Бэзосийн хөрөнгийн хэмжээ $100 тэрбумыг давжээ. $100 тэрбумын босгыг давснаар Бэзос нь 1999 онд Майкрософтын Билл Гэйтсийн нэг удаа үзүүлж байсан амжилтыг дахин давтаж байгаа юм.

Oxfam судалгааны байгууллага хүн төрөлхтөн ирэх 25 жилийн дотор анхны их наядтантай болно гэж таамагласан. Энэ хэмжээний хөрөнгөнд түрүүлж хүрэх магадлалтай хүмүүсийн нэгэнд Жэф Бэзос тооцогдож байгаа юм.

Энэ жилийн Хар Баасан гарагаар Амазон компани өөрийн бүтээгдэхүүнүүдээ 40 хүртэл хувиар хямдруулсан байна.