МАХН-ын дарга Н.Энхбаярыг шүүх хурал завсарлаад, үргэлжиллээ. Түүнд Сүхбаатар дүүргийн шүүхээс ял оноох сургаар МАХН-ын гишүүд, дэмжигчид шүүхийн гадаа цугларч эхэлж байна. Шүүх танхимд өглөө ирээгүй байсан "Шударга ёс" эвслийн бүлгийн дарга Н.Батцэрэг, МАХН-ын дэд дарга Н.Тэрбишдагва, ерөнхий нарийн бичгийн дарга Н.Удвал, нарийн бичгийн дарга Ч.Улаан нар ирсэн байна. Тэдний зарим нь Төрийн ордонд болсон УИХ дахь бүлгийн хурлаа дуусгаад ирсэн бололтой. Шүүх хурал завсарлахаас өмнө Н.Энхбаяр нарт төлөвлөсөн ялын дүгнэлтийг танилцуулж, өмгөөлөгчид эсэргүүцсэн няцаалтаа тайлбарласан. Тиймээс одоо шүүгдэгч нарын үгийг сонсож, шүүх бүрэлдэхүүн ялын тогтоолыг танилцуулах юм. Мөн МАХН-ын зүгээс иргэдийн утсанд жагсаалд уриалсан мессэж илгээж байна.
