Land Rover хэмээх англи машинаар Монголын говиор гурван долоо хоног
аялсан Казахстаны аялагчдын аян замын сонин сайхнаас 24tsag.mn хүргэж
байна. Бидний тухай тэдний нүдээр харахад манай орон ямраар буусныг
хамтдаа сонирхоё. Land Rover Owner’s Club хэмээх автоклубын 5 аялагчийн 2
нь бүсгүйчүүд. Монголчууд ч ийм аялалд зүрх гарган мордох нь тийм ч
элбэг бус тул ёстой л манай нэрт зохиолчийн гарчигласан “Их говийн
зоригтнууд” хэмээх үгийг Казахстанаас ирсэн оросуудад хамаатуулж болох
мэт. Land Rover хэмээх англи машинаар Монголын говиор гурван долоо хоног аялсан Казахстаны аялагчдын аян замын сонин сайхнаас 24tsag.mn хүргэж байна. Бидний тухай тэдний нүдээр харахад манай орон ямраар буусныг хамтдаа сонирхоё. Land Rover Owner’s Club хэмээх автоклубын 5 аялагчийн 2 нь бүсгүйчүүд. Монголчууд ч ийм аялалд зүрх гарган мордох нь тийм ч элбэг бус тул ёстой л манай нэрт зохиолчийн гарчигласан “Их говийн зоригтнууд” хэмээх үгийг Казахстанаас ирсэн оросуудад хамаатуулж болох мэт.
Шатахууны хувьд санаа зовох зүйл байсангүй.
Учир нь ивээн тэтгэгчид шатахууныг нь бэлдэж өгөөд явуулжээ. Монголд түлш дэндүү үнэтэй.
“Лэнд ровер” жийптэй баг Монголын говийг зорьж нийтдээ 8 мянган километр зам туулжээ.
-Сэтгэгдэл маш өндөр яваад ирлээ. Дахиад Монгол явах боломж гарвал татгалзах шалтгаан
үгүй гэж аяллын багийн эмэгтэй гишүүд сурвалжлагчид ярьжээ.
Тэд 2012 оны 7 дугаар сард дорнод Казахстанаас гараагаа эхэлж Алтай давж Монголд иржээ. Монголд орох гэж аялагчид багагүй саадтай учирчээ. Наадам хэмээх үндэсний баяр нь болж байгаа тул бусад орны жуулчидтай цуг бараг нэг хоног хүлээсний эцэст хил давжээ. Хоёр хоног хөлтэйхэн тэмдэглэдэг энэ баярын үеэр хил хаагддаг тул жийптэй аялагчид маань хүлээх зууртаа өөрсдийн жижигхэн баяр наадам зохион тэмдэглээд авчээ.
Байршил тодорхойлогч системгүйгээр зөвхөн газрын зураг ашиглан хүн бараг суурьшаагүй зах хязгааргүй тал нутгаар аялахдаа нутгийнхнаас зам асуух нь мэдээж. Монголчууд замын хүнд татгалзах нь үгүй боловч мэдэхгүй замаа буруу заадаг нь ихэнх тохиолдолд төөрөхөд хүргэнэ.
Казахстаны жуулчдыг хамгийн их цочоосон хоёр зүйл бол аймшигтай муу зам, бас энэ зам дээр замын хөдөлгөөний дүрэм гэдэг юмыг огт мөрддөггүй байдал.
-Замд маань машиндаа улаан цайм шилтэй архи, хундага сэлтээ өмнөө тавьчихсан жолооч нар тааралдаж байсан. Бүр бидэнтэй ганц хундага тулгах гэж зогсож байсан гээч гэж аяллын багийн ахлагч Александр Иванов ярьж байна.
Монголын зам дээр цагдаа бараг байхгүй. Ганц удаа л хачин марзан дүрэмт хувцастай хууль сахиулагч тааралдаад хачин сонин татвар 200 доллар нэхсэн. Аялагчид татгалзсан ч цагдаа юм боллолгүй өнгөрчээ.
Нэг удаа цагдаагийн хэсэгт хүртэл хоног төөрүүлжээ. Орон нутгийн хурандаа тэднийг хонохыг урьж,
хоол ундаар дайлан, өөрөө ч өглөөг ажлынхаа байран дээр угтсан байна.
Шатахууны хувьд санаа зовох зүйл байсангүй.
Учир нь ивээн тэтгэгчид шатахууныг нь бэлдэж өгөөд явуулжээ. Монголд түлш дэндүү үнэтэй.
“Лэнд ровер” жийптэй баг Монголын говийг зорьж нийтдээ 8 мянган километр зам туулжээ.
-Сэтгэгдэл маш өндөр яваад ирлээ. Дахиад Монгол явах боломж гарвал татгалзах шалтгаан
үгүй гэж аяллын багийн эмэгтэй гишүүд сурвалжлагчид ярьжээ.
24tsag.mn
