Энэ өдөр дэлхийн түүхэнд:
-Норвегийн химич, Нобелийн шагналт Одд Хассел 1897 оны энэ өдөр,
-“Аpple” корпорацийг хамтран байгуулагч Рональд Уэйн 1934 оны эл өдөр,
-Ирландын дуучин Эня 1961 оны энэ өдөр,
-“New Кids on the Block” хамтлагийн дуучин Жордан Найт 1970 оны эл өдөр,
-Францын сагсан бөмбөгчин Тони Паркер 1982 оны энэ өдөр мэндэлжээ.
1814-Монако Францаас Австрийн мэдэлд шилжжээ.
1865-Олон улсын цахилгаан холбооны байгууллагыг /дараа нь Олон улсын харилцаа холбооны байгууллага болж нэрээ өөрчилсөн/ Парист нээжээ.
1983-Ливан, Израиль, АНУ Израилийг Ливанаас цэргээ татах хэлэлцээрт гарын үсэг зурав.
1990-Дэлхийн эрүүл мэндийн байгууллагын Ерөнхий ассамблей сэтгэцийн өвчний жагсаалтаас ижил хүйстнээ сонирхох явдлыг хасчээ.
-Өнөөдөр бол Дэлхийн мэдээллийн нийгэмлэгийн өдөр.
-Норвегийн Үндсэн хуулийн баярын өдөр.
-Гомофобитай тэмцэх олон улсын өдөр өнөөдөр тохиож байна. “Гомофобия” (Homophobia: грекийн homоs —ижил ба phоbos — айдас) гэсэн нэр нь саяханаас 1972 оноос гарч иржээ.
2002 онд хүү нь Европын орнуудын олон нутгийн музейгээс зураг урлал хулгайлж байсныг мэдсэн хөгшин эх нь Страсбург хотын сувагт хоёр тэрбум евроны үнэтэй 172 зургийг урж тасдан живүүлжээ.
-1988 онд Москвагийн Кремлийн нутаг дэвсгэрт газар шорооны ажил хийж байгаад “Кремлийн эрдэнэсийн их олдвор” гэж нэрлэгдэх болсон 300 гаруй эд зүйлс олжээ. Эдгээр түүхийн үнэт олдворууд 1238 оны үеийнх байжээ.
-1970 онд Норвегийн жуулчин Тур Хайердал папирусан завь “Ра-2”-оор Атлантын далайг туулах аялалд гарлаа. Завийг энэтхэг мастерууд бүтээсэн ба энэ аялалаар Тур Хейердал эртний африк хүмүүс ийм завиар Америкт очиж байсан гэдгийг батлахаар шийдсэн юм. Анхны ийм аялал нь жилийн өмнө эхлээд завь нь замынхаа дунд живснээр амжилтгүй болж байлаа. Хоёр дах аялал 57 хоногийн дараа Барбадосын арал хүрснээр амжилттай төгсчээ.
-1920 онд 1919 оны аравдугаар сард нээгдсэн дэлхийн анхдагч нарын нэг Нидерландын KLM /Эзэн хаантны нисэхийн компани/ нисэх компани энэ өдөр Амстердам-Лондонгийн нислэгийн тогтмол замыг нээж анхны нислэг хийсэн байна.
-1861 онд Лондоны Кингз-колледжид 1861 оны тавдугаар сарын 17-нд Шотландын физикч Жеймс Максвеллын (1831–1879) арга техникээр боловсруулсан анхны өнгөт гэрэл зургийг нийтэд танилцуулжээ.
-1801 онд Санкт-Петербургийн Марсын талбайд Оросын аугаа жанжин А.В.Суворовт зориулан босгосон хөшөөний нээлт болжээ. Бүхий л насандаа ганц ч удаа ялагдал хүлээж үзээгүй А.Суворовт зориулсан хөшөөг босгох саналыг I Павел хаан гаргажээ. Анх удаагаа Оросын түүхэнд амьд хүнд хөшөө босгосон нь энэ болжээ.
