Дэлхийн хүн ам өсч хэмжээлшгүй их  ололт амжилтад хүрсэн ч өнөөг хэр учир шалтгааныг нь  олж тогтоож чаддаггүй хэд хэдэн  зүйл  бий.  Энгийн  ухааанаар бүү  хэл шинжлэх  ухааны төвшинд хэдэн зуун  жилийн  турш тандан судалгаа хийгээд шийдэлд хүрч чадалгүй мухардалд хүрсэн зарим  зүйлсийн  тухай өгүүлье.

Урьд харагдсан зүйл дахин харагдах: "Дэжа вү" буюу ємнє харагдаж, болж байсан зvйл давтагдахыг францаар ингэж хэлдэг. Тэнд өмнө хийсэн зүйлээ давтах эсвэл давтах, эсвэл зүүдэлж байсан мэт санагдах үе байдаг уу. Энэ зүйл хүн бүрт тохиолддог ч тоолгүй өнгөрөөх нь элбэг. Гэхдээ энэ чухам бодит уу, төсөөлөл үү гэдгийн учрыг олж чадаагvй л байна.

Сэтгэл санаа ба биеийн харилцаа: Анагаах ухаан хүний уураг тархи, бусад эд эрхтэнтэй хэрхэн харьцаж байдгийг 100 хувь биш ч гэлээ ихэнх хувийг нь тайлбарлаж, нотолж чадсан. Харин нэг зvйлийн учрыг огт олдоггvй аж. Энэ нь сэтгэл санааны эмчилгээ. Хүмүүс өөрийнхөө өвчинд огт нөлөөлөхгvй эм уугаад "Энэ эм миний өвчинг анагаана" гэдэгт итгэхэд тэр нь өвчнийг эдэгрдэг байна. Энэ мэт манай монголчуудын "Сэжгээр өвдөж сүжгээр эдгэнэ" гэдэг шиг зүйлийн учрыг анагаах ухаан одоо болтол тайлж чадаагvй байна.

UFO буюу нисдэг таваг: Нисдэг тавагны тухай олон кино бий. Нисдэг таваг харсан, сууж үзсэн, тэр байтугай өөр гаригт зочилсон гэж ярих хүмүүс ч байдаг. Шинжлэх ухаан үүний учрыг олж, үнэн зөв тайлбарлаж чадаагvй л байна. Хамгийн гол нь хүмүүс ор үндэсгvй юмыг байнга ярьдаггүй. Үнэхээр тэр нисдэг таваг байсан уу, эвэл үгүй юу. Хэн мэдэх билээ.

Бермудын гурвалжин: Атлантын далайн баруун хэсэг, АНУ-ын зvvн өмнөд эрэгт хэлбэр дүрсээрээ барагцаагаар гурвалжинг санагдуулах район байдаг. Түүний талууд нь Бермудын арлуудын хойхно хэсгээс Флоридын урд тал руу сунасан, дараа нь Багамын арлуудаар дайран Пуэрто-Рикод хүрээд, дахин хойшоо эргэн ойролцоогоор баруун өргөрөгийн 40 градус орчмоор Бермудэд буцаж ирдэг. Энэ газар бол дэлхий дээрх хамгийн гайхалтай бөгөөд нууцлагдмал үл мэдэх газруудын нэг юм. Бермудын гурвалжин гэж голдуу нэрлэгддэг энэ районд 1945 оноос хойш 100 гаруй нисэх онгоц, усан онгоц /түүн дотор шумбагч онгоц/ болон мянга гаруй хүн ор сураггүй алга болсон юм.

Үхлийн дараах амьдрал: Та хэр шүтлэгтэй вэ. Шүтлэгтэй хүмүүс ихэвчлэн хойд насанд итгэдэг шүү дээ. Гэнэтийн осол, золгүй байдлаар түр зуур vхээд сэрсэн хүмүүс манай дэлхий дээр цөөнгvй байдаг. Тэд нэг л зүйлийг ярьдаг байна. "Гэрэлт цагаан хоолой, эсвэл тас харанхуй ангал руу унаж байна" гээд л. Шашинд бол үүнийг там эсвэл диваажин гэж нэрлэдэг. Үнэхээр там, диваажин байдаг эсэхийг шинжлэх ухаан бас л тайлбарлаж чадаагvй байна.

Сүнс, хий үзэгдэл: Энэ тухай баримтат кино, нотолгоо хvн төрөлхтний түүхэнд байнга л байдаг. Таны найз нөхөд өөрт таарсан, хий юм харснаа ам булаалдан ярьдаг шүү дээ. Гэвч одоо хүртэл шинжлэх ухаан ямар нэг сүнс, хий үзэгдэлтэй холбоо тогтоож чадаагүй байна.

Лок-Нессийн аварга амьтан: Английн Засгийн газар Лок-Несст нууцлаг амьтан амьдардагт итгэдэг тухай нэгэн сонирхолтой баримт саяхан нийтэд ил болсон. Лох-Несс нуурын эрэг дээр амьдардаг шотланд эр загас барьж байхдаа үлэмж том сээр нурууны хэсгийг олжээ. Тэр хэдэн ширхэгийг ухаж гарган Эдинбургийн Үндэсний музейд өгсөн байна. Түүнийг плезиозавр буюу 150 сая жилийн өмнө амьдарч байсан усны асар том гүрвэл гэж эрдэмтэд нотлов. Загасчин одоо ч энэ нууранд динозавр амьдардагт итгэдэг.

Зургаа дахь мэдрэхүй: Зургаа дахь мэдрэхүй хүн болгонд танил сонсогдож байгаа байх. Хэнд ч, ямар нэг тулгамдсан үед сонголт хийх хэрэг гардаг. Энэ үед зургаа дахь мэдрэхүй буюу зөн совингоо сонсдог. Зургаа дахь мэдрэхүй, зөн совингийн талаар одоо болтол логик үндэстэй нотолгоо гараагvй л байна.