Энэ оны эхний долоон сард халдварт өвчнөөр өвчлөгчдийн нийт тоо 27063 хүнд хүрч, 3807 хүн буюу 16.4 хувиар нэмэгдсэн байна. Энэ нь  гахайн хавдраар өвчлөгчид 6705 хүн буюу 9.2 дахин, тэмбүүгээр өвчлөгчдийн тоо 132 хүн буюу 5.4 хувиар өссөнөөс голлон шалтгаалсан гэнэ.

2012 оны эхний долоон сард вирүст хепатитаар өвчлөгчдийн тоо 1800 хүн буюу 29.7 хувь, салхин цэцгээр 711 хүн буюу 28.2 хувь, цусан суулгаар 196 хүн буюу 16.8 хувь, сүрьеэгээр 103 хүн буюу 3.7 хувь, гонококкт халдвараар өвчлөгчдийн тоо 71 хүн буюу 2.4 хувиар буурсан талаар өнөөдөр Монгол улсын үндэсний статистикийн хороо сэтгүүлчдэд мэдээлэх үеэрээ мэдэгдлээ.