Лондонгийн олимпийн морин уралдааны сааттай харайлтын төрөлд Швейцарын хээр Нино дес Буиссонец нэртэй морь түрүүлжээ. Тус улсын нэр нөлөө бүхий эрхэм Щварценбахтын энэ хүлэг нь Швейцарь улсын  түүхэнд морин уралдааны төрлөөр анхны алтан медалийг авчирсанд тэд ихэд бэлэгшээн баярлаж байгаа аж.

  Сонирхолтой нь Монгол улсын ерөнхийлөгч Ц.Элбэгдорж өнгөрсөн жилийн нэгдүгээр сард ДАОС-ын чуулга уулзалтанд оролцохоор Швейцарьт ирэхдээ энэ морьтой зургаа татуулж байжээ. Морины эзэн Щварценбахт Ерөнхийлөгч Ц.Элбэгдоржийг тус улсад айлчлах үеэр зуучлан дагалдаж явахдаа өөрийн морины зүчээгээ сонирхуулсан аж. Харин Монголын ерөнхийлөгч тэр дундаас нэг морийг сонгон зургаа авахуулсан нь “Лондон 2012” оны олимпоос анхны алтан медалийг нь швейцарчуудад авчирч өгчээ. Тиймээс энэ үйл явдлыг ихэд бэлэгшээн Монгол улсын ерөнхийлөгчид Лондон хотоос талархлын захиа илгээсэн байна.

    Уг захидалд, “Олон морьд дундаас Ерөнхийлөгч Ц.Элбэгдоржийн сонгож, зургаа татуулсан хүлэг олимпийн наадмаас алтан медаль авсан нь жирийн нэгэн тохиолдол биш юм. Иймээс энэ ер бусын үйл явдлыг нотолсон гэрэл зургийг бидэнд илгээхийн сацуу Монголын хэвлэл мэдээллээр дамжуулж, олон нийттэй хуваалцахыг хүсч байна” гэсэн байна. 

   Лондонгийн олимпийн наадамд Нино дес Буиссонец нэртэй хээр морийг 30 настай Стив Гуердат унажээ. Тэрбээр Бээжингийн олимпийн хүрэл медальтай юм байна. Швейцарь улсын тамирчид 1924 оны Парисын олимпоос хойш 88 жил морин уралдааны саадтай харайлтын төрөлд оролцож байгаа юм.