“Лондон-2012” зуны 30 дахь удаагийн олимпийн наадмаас боксын эрэгтэйчүүдийн 64 кг-ын жинд төрөлд хүрэл медалийн болзол хангаад буй Монголын хоёр ширэн бээлийтний нэг У.Мөнх Эрдэнэ өнөөдөр 21:45 минутад медалийн өнгөө хувиргахаар Лондонгийн рингэнд өрсөлдсөн ч хүрэл медалтайгаар энэ удаагийн олимпийн наадмыг өндөрлүүллээ. Улаан булангаас 64 кг-д Гавьяат тамирчин У.Мөнх-Эрдэнийн өнөөдрийн учраа нь 2011 оны Бакугийн дэлхийн аваргын мөнгөн медальт, Украйны боксчин Денис Беринчик байлаа. Тэрээр эхний үеийг 6-4өөр ялж илүүрхэн, 2 дугаар үед 15-12 оноогоор ялсан бол 3 үед оноо алдан ялагдсан байна.
Украины боксчин 64 кг-ын жингийн алтан медалийн төлөө Кубын Рониэл Иглесиас Сотолонготой ирэх ням гаригийн үүрийн 04.45 цагт тулалдана. Кубын боксчин нь 2008 оны Бээжингийн олимпийн хүрэл, 2009 оны дэлхийн аваргын алт, өнгөрсөн оны Пан Америкийн аварга аж.
Э. Индра
