Өнөөдөр БНСУ-ын Ыжонгбу хотын цагдаагийн газраас манай улсын иргэнийг саатуулжээ. Тэрээр архи согтууруулах ундаа хэтрүүлэн хэрэглэснийхээ дараа Солонгос эмэгтэйчүүдийн биед хууль бусаар хүрч, хүчиндэхийг завдсан хэргээр саатуулагдсан байна. Монгол улсын иргэн А нь гэрээгээр тус улсад ажилладаг байсан аж. Тэрээр өчигдөр орой 22.50 цагийн үед согтуурсан үедээ Ыжонгбү хотын Юнгхёнг дунд байх “Лотте” март дэлгүүрийн гадаа байх сандал дээр сууж байсан 18 настай Солонгос эмэгтэй сурагчийн гарнаас нь чирч, авч явах оролдлого хийсэн байна. Охин хүчтэй эсэргүүцэл үзүүлэн чангаар орилсонд А зугтаж, тус дэлгүүрийн эмэгтэй жолооч нарт зориулсан автомашины зогсоол руу оржээ.
Улмаар тэнд явж байсан 42 настай Солонгос эмэгтэйг тэврэн мөн л авч явахаар чирсэн байна. Гэвч эмэгтэй хүчтэй эсэргүүцэл үзүүлэн, зугтаасанд А зугтжээ. Гэвч нөгөө эмэгтэй цагдаагийн байгууллагад мэдэгдсэнээр түүнийг хэргийн газраас 150 метр холдсон байхад нь баривчилсан байна. Одоогоор манай улсын иргэн А-д согтуугаар хоёр Солонгос эмэгтэй хүчиндэхийг завдсан хэргээр эрүүгийн хэрэг үүсгэн шалгаж байгаа юм байна.
БНСУ-д хуулиндаа хүчиндэхийн завдсан тохиолдолд 7-10 жилийн ял оноодог юм байна.
Б.Чимэг
Сэтгэгдэл (2162)