Үндэсний татварын алба цахим татварын алба болох зорилт тавин ажиллаж, сүүлийн хоёр жилийн хугацаанд олон шинэ төсөл, хөтөлбөр, санаачилгыг ажил  хэрэг болгон татвар төлөгчдөд санал болгож байгаа билээ.
    Үндэсний татварын алба цахим татварын алба болох зорилт тавин ажиллаж, сүүлийн хоёр жилийн хугацаанд олон шинэ төсөл, хөтөлбөр, санаачилгыг ажил  хэрэг болгон татвар төлөгчдөд санал болгож байгаа билээ. Тиймээс Татварын цахим  шинэчлэлийн хүрээнд Үндэсний татварын албанд хийгдэж байгаа технологийн боломжуудын талаар  татвар төлөгчид илүү өргөн дэлгэр мэдээлэлтэй байж, татварын албатай хамтран ажиллахдаа цахим шийдлүүдийг түлхүү ашиглуулах зорилтын үүднээс Татварын Ерөнхий Газраас хэвлэл, мэдээллийн байгууллагын сэтгүүлчдэд мэдээлэл хийлээ.
    Хуралд ТЕГ-ын Татвар төлөгчтэй харилцах хэлтсийн Татварын улсын байцаагч Д.Батбилэг, Мэдээлэл технологийн төвийн дарга Н.Нямдорж, Мэдээлэл технологийн төвийн Татварын улсын ахлах байцаагч Д.Энхтуяа нар оролцов.
Татвар төлөгчид одоогийн байдлаар татварын тайлангаа онлайнаар ирүүлж байгаа боловч, өнөөдөр мөрдөж буй хуулийн дагуу цаасан хэлбэрээр дахин баталгаажуулж байгаа юм байна. Тэгвэл татварын албанд хүрэлцэн ирж татварын тайлангаа цаасан хэлбэрээр баталгаажуулахын оронд Тоон гарын үсэг ашиглан баталгаажилтын тайланг илгээх боломжийг Үндэсний татварын алба нэвтрүүлээд байгаа юм. Түүнчлэн Тоон гарын үсгийг кодоо авч амжаагүй аж ахуйн нэгжүүдийн хувьд Шуудангийн үйлчилгээг ашиглах бололцоог давхар бий болгосон. Мөн ipad хэрэглэгчдийн тухайд татварын хууль, татварын статистикийн мэдээллийг болон цаг үеийн шинэ мэдээллийг ipad хэлбэрээр хүлээн авах боломжийг бүрдүүлсэн байгаа аж.
    Татвар төлөгчдийн татварын лавлагааг өмнө нь зөвхөн цаасаар гаргаж өгөх боломжтой байсан бол цахим шинэчлэлийн хүрээнд татвар төлөгчдийн татварын өртэй эсэх мэдээллийг онлайнаар гаргаж өгөх тогтолцоог нэвтрүүлсэн. Төрийн албад хооронд цахимаар шууд харилцах, татвар төлөгчдийн мэдээллийг нэг цэгт цуглуулж гаргадаг зэрэг олон давуу талыг татвар төлөгчдөдөө санал болгож байгаа юм байна.