ОХУ-ын  Москва хотноо Россия-1 телевизийн "Гайхамшигт хүмүүс" /Удивительные Люди/ нэвтрүүлэгт Гиннесийн рекорд эзэмшигч, Ой тогтоолтын дэлхийн аварга, ОУ-ын Их Мастер Н.Мөнхшүр, Н.Энхшүр нарын хамт амжилттай оролцож Оросуудыг гайхшруулжээ.

Даалгаврын хувьд 1200 ширхэг сарнайг есөн минутад тогтоож алдаагүй хэлэх мөн ганцхан цэцгийн өнгийг сольсны дараа тамирчид маань тэр цэцгийг олох байлаа. Ихрүүд маань ердөө таван минутад бүгдийг нь тогтоон даалгавруудаа алдаагүй гүйцэтгэсэн байна.

Ийнхүү манай тамирчид урд болон хойд хөршийнхөө телевизийн хамгийн том нэвтрүүлгүүдэд амжилттай оролцлоо. Тус нэвтрүүлэг ирэх есдүгээр сард үзэгчдэд хүрэх аж.

Л.Сайнбаяр