Улаанбаатар бизнес хөгжлийн төвийн нэгдүгээр давхарт байгуулагдсан Нийслэлийн Иргэний танхим өнөөдөр анхны хэлэлцүүлгээ хийнэ. Улаанбаатар бизнес хөгжлийн төвийн нэгдүгээр давхарт байгуулагдсан Нийслэлийн Иргэний танхим өнөөдөр анхны хэлэлцүүлгээ хийнэ.Анхны нээлттэй хэлэлцүүлгийг “Нийслэлийн зам засвар, шинэчлэл ба замын хөдөлгөөний ачааллыг бууруулах зарим арга хэмжээ” сэдвийн дор зохион байгуулахаар болжээ. Нийслэлийн Авто замын газрын дарга Д.Од “Нийслэлийн зам засвар, шинэчлэлийн ажлын явц”, Улаанбаатар хотын Ерөнхий менежер Ч.Бат “Нийслэлийн замын хөдөлгөөний ачааллыг бууруулах талаар авах зарим арга хэмжээний санал” гэсэн сэдвээр танилцуулга хийж хэлэлцүүлэх юм.
Хэлэлцүүлэгт нийслэлийн ИТХ-ын дарга Д.Баттулга, Нийслэлийн Засаг дарга Э.Бат-Үүл болон холбогдох албаны хүмүүс, иргэдийн төлөөлөл оролцоно. Гэхдээ хэлэлцүүлэгт оролцох иргэдийг irgen@citycouncil.mn электрон шуудан болон 328886, 321163 дугаарын утсаар бүртгэж эхний 60 иргэнийг оролцуулах юм байна.
Ц.Болор
