Өнгөрсөн  бямба гаригт Ираны баруун хойд хэсэгт  хоёр  ч удаа  хүчтэй газар хөдлөлт  болж нэлээдгүй хор хохирол учруулсан билээ. Одоогийн байдлаар 306 хүн  амь насаа  алдаж, 3037 хүн хүнд хөнгөн байдлаар гэмтэж эмнэлэгт  хүргэгдээд байгаа тухай орон нутгийн Press теллевиз болон  Ираны эрүүл мнэдийн  яамнаас мэдээ ирүүлээд байна.
  Түргэн тусламжийн  төвийн  дарга  Голамреза Масоми хэлэхдээ “Эхний  удаагийн газар  хөдлөлтийн дараагаар эмнэлгүүдэд  1200 орчим  хүн хүргэгдэн  ирсэн. Түний дараагаар дахин  газар  хөдлөлт  болж  2000 гаруй хүн  гэмтэж бэрсэн боловч  эмнэлгийн  хүчин  чадал хүрэлцэхгүйд  хүрч хүмүүсийг гадаа хэвтүүлэн  эмчилж байна.  Хөнгөн  бэртэлтэй хүмүүсийн   хамруулан тооцвол  4500 орчим  хүн  газар  хөдлөлтийн  гамшигт  өртсөн” гэв.  Харин Иран дахь “Улаан хавирган сар” нийгэмлэгийн тэргүүн Аболхасан Факих хэлэхдээ  “Нас барсан  болон гэмтсэн хүмүүс иэхэвчлэн хүнд зүйлс  болон  чулуунд дарагдсан  байсан” тухай  мэдээллэсэн юм. Газар  хөдлөлт Табриз хотыг дайрчээ. Энэ хот нь  Азарбажаны зүүн талд байрладаг ираны дөрөв дэх томоохон хот юм. “Улаан хавирган  сар”  нийгэмлэгийн тусламжийн багийнхан  гамшгийн бүсэд ажиллаж байна. Нийтдээ газар  хөдлөлтөд 230 тосгон өртсөнөөс тосгодууд 70-100 хувийн  нуралталд  өртсөн тухай мэдээлж байна.
   Эхний удаагийн газар  хөдлөлт 6.4 магнитутын  хүчтэйгээр орон нутгийн цагаар үүрийн 4:53 цагт  эхэлсэн  байна.   Харин  хоёр дахь газар хөдлөлт 11 минутийн дараа хөдөлсөн  аж.  Энэ нь 6.3 магнитутийн  хүчтэйгээр Ахар  хотоос 32 километрийн  зайтай хөдөлжээ. Газар  хөдлөлт  үүрээр болсон учир иргэд гэртээ  унтаж байгаад дарагдсан  хэмээн оршин суугчид хэлж байна. Урьдчилан сэргийлэх  ямар ч боломж байгаагүй ажээ.
  Одоогийн байдлаар Орос, Турк, Тайвань болон бусад улсууд тусламж илгээх хүсэлтэй байгаагаа  илэрхийлсэн ч  Иран гадны туслам авах хэрэгцээтэй байгаа хэмээн мэдэгдээгүй байгаа юм.  Үүнээс үзвэл гадны орнуудын  дэмжлэг   авахгүй ч байж магадгүй.  Одоогоор гамшигт  өртөж орон гэргүй болсон иргэдэд мянга гаруй майхан  тарааж түр  суурьшуулж байгаа.  Мөн  хоол хүнс тарааж эхэлсэн тухай албаныхан мэдээлж байна.