Өмнөд Америкийн эрэг дагуу байрладаг Доминиканы Бүгд Найрамдах Улсад хар салхины аюул нүүрлээд байна. Лхагва гаригт нийслэл Санто Доминго хотод хийсэн хэвлэлийн бага хурлын үеэр эрх баригчид тус улсад Исаак хэмээх далайн шуурга нүүрлэх гэж байгаа бөгөөд үүнээс хамгаалах хаалт шаардлагатай байгаа талаар мэдээлэл хийсэн байна. АНУ-ын Үндэсний Хар шуурганы төвөөс Лхагва гаригийн өглөө Доминиканы зүүн хойд хэсгийн 120 км орчим нутагт төвтэй байсан Исаак хар шуурга нь 72 км/цагийн хурдтай байгаа бөгөөд Пүрэв гаригт улам ширүүсэх төлөвтэй байгаа тухай мэдээлсэн. Түүнчлэн Доминиканы Бүгд найрамдах улсын нутаг дэвсгэр бүхэлдээ буюу ихэнх хэсэгт нь ширүүн бороо орж, хүчтэй давалгаанууд гарч ирснээр далайн шуурга болно гэж цаг уурын ажилтнууд таамаглаж байна. Тиймээс мэргэжлийн хүмүүсийн анхааруулснаар ирэх өдрүүдэд Карибын тэнгист орших энэ улсад аадар бороо орж, үер усны аюул тохиож болзошгүй болоод байна.  “Дараагийн 120 цагийн дотор ширүүн бороо орж, хур тунадасны түвшин нэмэгдсэнээр Эль Кампод өтгөн манантай байна. Ингэснээр бидэнд үер усны аюул нүүрлэж байгаа юм. Бидний ажиглаж байгаагаар Карибын тэнгис дэх хур тунадасны түвшин 50-200-ийн хооронд байх боловч хар шуурганы хурд нэмэгдвэл энэ үзүүлэлт өөрчлөгдөж болзошгүй” хэмээн цаг уурын мэргэжилтэн мэдэгдсэн юм.
   Исаак шуурга нь Карибын тэнгисийн орчимд хүчтэй шуурч, Доминиканы ихэнх нутгийг хамрах учраас загасчлыг далайд гарахгүй байхыг албаны хүмүүс анхааруулж байна. Мөн хар шуурга Доминикан улсаар дайран өнгөрсний дараа буюу энэ долоо хоногийн сүүлчээр Куба болон Өмнөд Флоридаг чиглэн хөдөлж болзошгүй байгаа ажээ.