Энэ жил алдарт Битлз хамтлагийн 50 жилийн ой тохиож байгаа. Ойн хүрээнд Монголын "Битлз фен клуб"-ын хамт олон Нийслэлийн Засаг дарга Э.Бат-Үүлийн дэмжлэгтэйгээр Улсын их дэлгүүрийн урд байрлах Битлзийн хөшөөг дахин сэргээн засварлахаар болжээ. 100 орчим сая төгрөгөөр боссон уг хөшөөг 2008 онд анх нээсэн юм. Сонирхуулахад, хөшөөний ард талын хүний дүрсийг "Соёл-Эрдэнэ" хамтлагийн хөгжимчин н.Зуундариас санаа авч хийсэн гэдэг.