
"Талх чихэр" компаний үйлдвэрлэдэг "Атар" талх ирэх бямба гараг буюу есдүгээр сарын нэгнээс үнээ нэмэхээр болжээ. "Атар" талхыг ууталж, савлаж гаргах болсон тул тус бүрийн үнийг 210 төгрөгөөр нэмж, 840 төгрөгөөр худалдаанд гаргах болсон байна. Иргэд уг талханд эрүүл ахуйн шаардлага байнга тавьдаг тул ийм шийдвэр гаргасан гэж тайлбарлаж байна. Тус компаний хувьд гаднах уутыг 94 төгрөгөөр худалдаж авч байгаа бөгөөд үлдсэн мөнгийг уутлах тоног төхөөрөмжинд зарцуулна гэжээ.
"Талх чихэр" компани нь өдөрт 30 мянган ширхэг талх үйлдвэрлэж, нэг бүрийг 630 төгрөгөөр зарж байгаа юм.