"Ноорог" медиагийн захирал О.Уламсайхан өөрийн цахим хуудсаар "Ноорог"-т холбогдох бусдын нэр төрд халдсан, худал мэдээлэл тараасан гэх хэрэг хаагдсан талаар мэдээлсэн. Үүнтэй холбогдуулан ЦЕГ-ын хэвлэл мэдээллийн төвийн ахлах мэргэжилтэн, хошууч С.Баярбилэг "Ноорог медиад холбогдох хэрэг хаагдаагүй, хуулийн хүрээнд мөрдөн шалгах ажиллагаа үргэлжилж байгаа. Харин өчигдөр зарим хурааж авсан эд зүйлсийг хүлээлгэж өгсөн" гэх мэдээллийг өгөв.