БАРИМТ 1
2000 оны долдугаар сарын 14-нд төрсөн.
БАРИМТ 2
Их шавь дэвжээний бөх.
БАРИМТ 3
Хөвсгөл аймгийн Баянзүрх сумын уугуул.
БАРИМТ 4
2022 онд Хөвсгөл аймгийн Алаг-Эрдэнэ суманд Сумын заан болж, гурав хоногийн дараа Баянзүрх сумандаа цолоо баталжээ.
БАРИМТ 5
Тэрбээр сумын заан цолтой болон залуу бөхчүүдийн барилдаанд хоёр түрүү, хоёр үзүүртэй.
БАРИМТ 6
Эхний түрүү нь 2023 оны тавдугаар сар. Удаах нь 2023 оны 11 дүгээр сард байв.
БАРИМТ 7
Тэр бөхийн гараагаа хожуу эхэлсэн. Цар тахлын өмнөхөн үндэсний бөхийн бэлтгэлд хамрагдсан ч удалгүй хөл хорионд орсон. Үүний дараагаас бэлтгэлдээ шамдаж сумын цолтон болжээ.
БАРИМТ 8
Түүний багш нь Улсын харцага Г.Элбэг.
БАРИМТ 9
Тэрбээр нэгэн ярилцлагадаа "Би 2016 онд нутагтаа зохион байгуулагдсан өсвөрийн барилдааны үеэр Г.Элбэг багштайгаа танилцаж байлаа. Тухайн барилдааны үеэр багш намайг олж хараад “Барилдах хүүхэд байна” гэж урам өгсөн. Үүний дараа би багшид бөх болох хүсэлтэй байгаагаа хэлэхэд хоёр жил бэлтгэл хийхийг зөвлөсөн. Энэ үеэс бөхөөр хичээллэхэд болох юм байна гэсэн урам авсан" хэмээжээ.
БАРИМТ 10
Түүний аав залуудаа барилддаг байсан. Сумын начин цолтой хүн байдаг. Ээжийн тал нь бөхийн удамтай.
БАРИМТ 11
Аав, ээж нь малчин улс. Тэр нэг эгч, нэг дүүтэй.
БАРИМТ 12
Багадаа их даруухан хүүхэд байсан. Барилдана гэж боддоггүй, цэргийн хүн болохыг мөрөөддөг хүү байжээ.
БАРИМТ 13
Тэрбээр оны эхэнд Өмнөговь аймагт болсон нэгэн барилдаанд Улсын заан Б.Бат-Өлзий, Аймгийн хурц бадрангуй арслан Э.Мөнхбаатар нарыг цувуулан хаяж үзүүр булааж байв.
БАРИМТ 14
Сумын заануудад шилдэг байсан тэрбээр 2024 оны Булган аймгийн баяр наадамд түрүүлсэн.
БАРИМТ 15
Түүний барилдааныг эмнэг адуу шиг, дошгин гэж бөхийн хүрээнд ярьдаг.
