Хэрэв тодорхой хоол хүнс хэрэглээд л хөхний хөвсгөр эд томордог байсан бол супермаркетын тасаг тэр дороо хоосрох байсан биз. Бүсгүй хүний эмэгтэйлэг байдлыг хамгийн их илтгэдэг эрхтэн болох хөхний хэлбэр хэмжээ бидний санааг эртнээс зовоож ирсэн. Гэхдээ зарим төрлийн хоол хүнсэнд хөхний хөвсгөр эдэнд нөлөөлөх гормон агуулагддаг нь үнэн бөгөөд, энэ нь шууд 1 размераар томруулахгүй ч гэлээ, өмнөхөөс илүү дүүрэн, товгор хөхтэй болоход тусалдаг юм.

Цаг хугацааны дараалал
Эмэгтэй хүний хөх нь бэлгийн бойжилтын үеэр хамгийн их томордог. Энэ үед эстрогений хэмжээ ихэсдэг аж. Түүнчлэн өсвөр насны дараах үед ч, өнчин тархины бусад гормонууд нь хөхний хөвсгөр эдийн эстроген хүлээн авагчийг сайжруулж байдаг. Эстрогений хэмжээнээс гадна өөхний хэмжээ хөхний хэмжээнд нөлөөлдөг. Хөхөндөө хэр их өөхтэй байгаагаас хэмжээ нь шалтгаална.

Эстрогений учир начир
Бэлгийн бойжилтын дараах үед, эмэгтэй хүний биед жирэмслэхэд болон сарын тэмдэг ирэх дөхөхөд эстрогений хэмжээ нэмэгддэг. Энэ үед хөхний хэмжээ томрох боловч, эстрогений хэмжээ буурахад ч үүнийг дагаж буцаад жижигсэнэ. Эстрогений бэлдмэл хэрэглэх үед ч ялгаагүй. Мөн жирэмслэх үед биеийн жин бүхэлдээ нэмэгддэгээс хөхний өөхөн эсүүд ихэсдэгтэй ч холбоотой юм.

Фитоэстроген бүхий хүнс
Натураль эстроген нь зөвхөн амьтдад байдаг боловч, үүнтэй тун төстэй үйлчилгээтэй бодисыг хэд хэдэн ургамал хүнс агуулдаг. Тэр бодисыг фитоэстроген гэнэ. Хүний биед фитоэстроген нь эстрогенээс нэг их ялгагдахааргүй нөлөө үзүүлдэг. Ийм учраас их хэмжээний фитоэстрогентэй хүнс хэрэглэх нь хөхний хөвсгөр эдийг томруулж болно. Гэхдээ өмнө нь хэлсэнчлэн, размерын хэмжээнд томрохгүй, харин харагдах болон баригдах байдал илүү дүүрэх юм.

Маалинганы үр, шар буурцаг, дүпү гурав бол фитэстрогенийхээ хэмжээгээр хамгийн өндөрт тооцогддог бүтээгдэхүүнүүд. Эдгээрийг дангаар нь идэх юмуу, шар буурцагны сүү, олон үрт талх зэргээр авч болно. Гэхдээ дангаар нь идвэл илүү их нөлөөтэй гэдгийг сана. Дараах бүтээгдэхүүнүүдийн 100 грамд агуулах фитоэстрогений агууламжийг сонирхоно уу (1ug нь 0.000001 грамтай тэнцэнэ):

1. Маалинганы үр- 379380ug
2. Шар буурцаг- 103920ug
3. Дүпү-27150.1
4. Шар буурцагны сүүн тараг-10275
5. Гүнжидийн үр-8008,1
6. Маалинганы үртэй талх-7540
7. Олон үрт талх-4798
8. Шар буурцагны сүү-2957
9. Сармис-603
10. Хатаасан абрикос-444
11. Наран цэцгийн үр-216
12. Оливийн тос-180
13. Бүйлс-131

Хүнийхтэй ижил эстрон агуулдаг цорын ганц бүтээгдэхүүн нь анар жимс буюу гранат аж. Эстрон нь эстрогентэй төстэй боловч нөлөөллөөрөө арай бага. Гэхдээ фитоэстроген бол эстроноос ч бага нөлөөлөтэй. Тиймээс энэ жимсийг эсвэл энэ жимсний бэлдмэлийг авч хэрэглэх нь хөхний хөвсгөр эдийг хөөхөд нөлөөлнө. Гэхдээ мэдээж, тийм ч том биш багахан хэмжээний өөрчлөлтийг л авчрах юм.

Фитоэстрогений ашигтай тал
Энэ бодисын эрүүл мэндэд ашигтай тал ч хэд хэд бий. Үүний дотор хөхний хорт хавдар болон зүрх судасны өвчлөлийн эрсдлийг бууруулах багтана. Мөн анти оксидантын үүргийг ч гүйцэтгэдэг. Гэхдээ биед эстрогений хэмжээ илүүдвэл сексийн хүсэл буурах, хөх байнга хөндүүрлэх, сарын тэмдэг тогтворгүй болох, чихэрлэг зүйлд шунах, жин нэмэх зэрэг шинж тэмдгүүд илэрч мэднэ. Тиймээс өөрийн хооллох горимдоо гэнэтийн том өөрчлөлт хийлгүйгээр эстрогенээ нэмэгдүүлээрэй.