Өнөөдөр хошин урлагийнхны төлөөлөл болсон эрхмүүд “Орчлон” дунд сургуулийн гадаа цугларлаа. Гэхдээ тэд урьдчилан бэлтгэж цугласангүй. Шинэ хичээлийн жилд хүүхдүүдээ хүргэж өгөх байгаад тааралдав. Хошин урлагийн ихэнх эрхмийн хүүхдүүд “Орчлон” дунд сургуульд сурдаг. Өнөөдөр гэхэд Шинэ үе продакшны жүжигчин Н.Ариунболд буюу Бооёо, жүжигчин Г.Ундармаа, Маск продакшны жүжигчин Ж.Мөнхсайхан нар хүүхдээ хүргэж өглөө. Мөн УИХ-ын гишүүн Ж.Энхбаяр, улсын арслан Х.Мөнхбаатар, Сангийн дэд сайд асан Ч.Ганхуяг, МУГЖ Б.Сарантуяа нар мөн хүүхдүүдээ хүргэж өгч байв. Хошин урлагийн ихэнх эрхмүүдийн хүүхдүүд “Орчлон”-д сурдаг учраас тус сургуулийн хүүхдүүдээс сургуульд нь үнэгүй тоглолт хийх хүсэлтийг хошин урлагийнханд гаргаад байгаа юм байна. Харин уг хүсэлтийг хошин урлагийнхан хэрхэн хүлээж авах бол? Б.Золбоо
