УИХ-ын гишүүн У.Хүрэлсүх, Г.Баярсайхан нар Төрийн ордонд зодолдож, шуугиан тарьсан билээ. Эрүүгийн хэрэг үүсгэх хэмжээнд хүрсэн тэдний зодооныг УИХ-ын гишүүд, намынхан нь, иргэд  янз бүрээр хүлээж авсан юм. УИХ-ын гишүүн Г.Баярсайханыг өмөөрч АН-ын хэдэн өвөө нар хэвлэлийн бага хурал хийж У.Хүрэлсүх гэх “этгээд”-ийг бүдүүлэг, танхайгаар нь дуудсан. Тэгвэл МАН-ынхан ч зүгээр суусангүй “Г.Баярсайхан бол үл бүтэх этгээд” гэж мэдэгдсэн хариу хэвлэлийн бага хурал өчигдөр хийлээ. Тэд энэ хэрэг даамжирвал хуучин генсек У.Хүрэлсүхийнхээ төлөө гудамжинд гарч тэмцэхэд бэлэн гэдгээ мэдэгдсэн юм. Цаашлаад Н.Энхбаярын төлөө өлсгөлөн зарласан МАХН-ынхны аргаар тэмцэнэ гэсэн утгатай үг ч цухуйлгаж байлаа. Ийнхүү Төрийн ордонд эхэлсэн хоёр гишүүний зодоон гудамжинд “гарлаа”.

Т.Гэрэл