УИХ-ын гишүүн нефтийн үнийг бууруулах талаар мэдээлэл хийлээ.

Тэрбээр “Дэлхийн зах зээл дээр нефтийн ханш хангалалттай хэмжээгээр буурсныг бид мэдэж байгаа. Оны эхэнд 70 ам.доллар байсан нефтийн ханш 22 ам.доллар болж буурсан. Иран, Ирак зэрэг орнууд нефтээ 10 ам.доллараар зарж байгаа ийм тохиолдол бий.

Нефтийн үнэ 300-400 орчим төргөрөөг буурсан ч зарим газар хангалалттай хэмжээгээр буурахгүй байна. 2008-2019 онд нефтийн дундаж ханш 650 ам.доллар байсан бол өнөөдөр Монгол Улсын хилээр орж ирж байга нефтийн дундаж ханш 370 ам.доллар байна. Тэгэхээр тонн тутамд 930 төгрөгийн зөрүү гарч байна гэсэн үг. Тиймээс 300 төгрөгөөр буурсан ханш хангалттай биш гэж үзэж байна. 600 төгрөгөөр буурах боломж бий. Өндөр үнээр нефт борлуулж байгаа худалдаа эрхлэгчидтэй Засгийн газар дахин хэлэлцээ хийж, бүтээгдэхүүний үнийг бууруулах шаардлагатай.

Хоёрдугаарт, 2018 онд миний бие хуурамч шатахуунтай холбоотой асуудал хөндөж байсан. Үүнээс хойш бензинд хольдог керосин, нафта хилээр орж ирэх асуудал 70 орчим хувиар буурсан ч хангалттай хэмжээнд буурсан гэж үзэхгүй байна. Эдгээр бодис 2018-2019 онд 210 мянган тонн орж ирсэн. Ийм их хэмжээний керосин, нафта манай улс хэрэглэдэггүй. Керосинаар өмнө нь лаа асаахад хэрэглэдэг байсан. Нафта 2016 оноос өмнө орж ирдэггүй байж байгаад үүнээс хойш 16 мянган тонн орж ирсэн. Эдгээрийг дизель түлшинд хольдог. Нэг тонн дизель түлшинд ойролцоогоор 150 кг керосин, нафта хольдог. Машины эд ангид хортой. Машины эвдрэл, хэмхрэлийг тооцвол иргэдийн эдийн засагт том хохирол учруулдаг. Нөгөөтээгүүр, онцгой албан татвараас зайлсхийж оруулж ирдэг. Тиймээс керосин, нафта дээр онцгой албан татвар бий болгох хуулийн төсөл өргөн барьсан. Ингэснээр энэ бүтээгдэхүүнийг оруулж ирэх нь багасна” гэлээ.

Б.Лхам