УИХ-ын чуулганы хуралдаан үргэлжилж байна. Хуралдаанаар Төрийн албаны зөвлөлийн гишүүнийг томилох, чөлөөлөх тухай асуудлыг хэлэлцэж байна. Энэ үеэр УИХ-ын дарга Д.Амарбаясгалан асуулт асууж, үг хэллээ. 

Тэрбээр "Төрийн албанаас 14 мянган хүн чөлөөлнө гээд өчигдрийн Засгийн газрын хуралдааны дараа яриад эхэлчихлээ. Ямар албанаас яаж чөлөөлөх гэж байгаа тухай мэдээлэл байна уу. Энд төрийн захиргаа, төрийн тусгай, төрийн үйлчилгээ гээд олон салбар бий. Багш, эмчээс орон тоо цөөлөх ямар ч боломж байхгүй. Өнөөдөр ажиллах хүчин дутагдаад байгаа салбар шүү дээ" гэв. 

Түүний асуултад нэр дэвшигч Б.Төгсцэнгэл хариуллаа. Тэрбээр "Төрийн албаны шинэчлэлийг хийж, давхардлыг арилга зорилгоор Багш, эмч, сувилагч нараас бусад салбараас 9 хувиар бууруулна гэж тогтоолд тусгасан" гэв.