МАН-ын Удирдах зөвлөл Засгийн газрын бүтэц, бүрэлдэхүүний асуудлыг хэлэлцлээ. Энэ үеэр МАН-ын ЕНБД Я.Содбаатар мэдээлэл өглөө.
Тэрбээр "Ерөнхий сайдын бүрэн эрхийг дэмжиж, саналыг дэмжлээ. Нийгэм, улс төр, эдийн засгийн хүндрэлийг ярьж, энэ цаг үед нэг монгол байж, нэгдсэн бодлоготой байж, хүнд цагийг хамтдаа туулах нь зүйтэй гэж Ерөнхий сайд хэлсэн. Тиймээс АН-аас бусад намтай Засгийн газраа байгуулж болох чиглэлийг өглөө. Ерөнхий сайд энэ удаагийн Засгийн газраа байгуулахдаа Засгийн газрын бүтэц, бүрэлдэхүүний хуульд өөрчлөлт оруулахгүй. Энэ нь нэг талаасаа хуулийн, нөгөө талаасаа цаг хугацаа, нийгэм эдийн засгийн байдлаас хамааралтай. Гэхдээ Төсвийн тодотголтой хамт бүтэц бүрэлдэхүүний өөрчлөлт хийгээд явна. Тиймээс Үндэсний хорооны сайд нарыг томилохгүй байхаар шийдсэн. Тиймээс бүтэц бүрэлдэхүүн, төсөв батлагдахтай зэрэгцээд энэ сайд нарын орон тоо хасагдана.
Засгийн газрын үйл ажиллагааны хөтөлбөрийг өөрчлөхгүй. Асуудлаа мэдэх зарим сайд нарыг үлдээж байгаагаа Ерөнхий сайд хэлсэн. Хүн сольж, сандал ширээ зөөх шаардлага байхгүй. Г.Занданшатарын Засгийн газар ч, Л.Оюун-Эрдэнийн Засгийн газар ч ард түмэнд өгсөн МАН-ын сонгуулийн мөрийн хөтөлбөрийг биелүүлэх учиртай.
Манай нам сайд нарынхаа 40 хувийг л шинэчилж байгаа. Сайд нар томилогдоод жил ч болоогүй байсан. МАН бол Жендерийн бүх хуулиудыг санаачилсан. Засгийн газраа бүрдүүлэх бол Ерөнхий сайдын бүрэн эрхийн асуудал" гэлээ.
М.Жаргал
Сэтгэгдэл (5)