BLAST.tv Austin Major 2025-ын плей-оффын шатанд үргэлжлүүлэн өрсөлдөх дэлхийн шилдэг найман баг тодорлоо. 1xBet Монголын зүгээс энэхүү шийдвэрлэх хэсгийн шатны хамгийн сонирхолтой мөчүүдийг тоймлон хүргэж байна.

3-0: Team Spirit, FURIA

Team Spirit баг үнэхээр төгс тоглолтуудыг үзүүлсээр, нэг ч хожигдолгүйгээр 3-0 амжилттайгаар плей-оффт шалгарсан анхны баг боллоо. "Луунууд" эхний тоглолтод paiN Gaming-ийг бут ниргэж (13:3), Хятадын сенсаац болсон Lynn Vision-ийг төвөггүй буулган авч (13:7), NAVI-г хоёр мап дээр илт давамгайлсан (13:11, 13:3) тоглолтуудыг үзүүлэв.

Үүний зэрэгцээ FURIA баг гэнэтийн бэлэг барилаа. Олон шинжээчид тэднийг 3-1 эсвэл бүр 3-2 харьцаатайгаар дараагийн шатанд шалгарна гэж таамаглаж байсан. Гэвч Бразилын баг хүлээлтийг эвдэж, The MongolZ-ыг (13:11), Aurora-г (13:7) буулган авсны дараа Virtus.pro-г илт давамгайлсан тоглолтоор (13:3, 13:5) хожиж энэ шатыг өндөрлүүлэв.

3-1: FaZe Clan, NAVI, Vitality

Энэхүү хүчирхэг гурвал нэг ч хожигдолгүй явах боломжтой байсан ч тус тус нэг хожигдол хүлээсэн. Тэмцээнд оролцож буй хамгийн хүчирхэг бөгөөд дэлхийн чансааны тэргүүлэгч Team Vitality Major-т дэлхийн чансааны 49-р байранд бичигдэж байсан Legacy багтай эхний тоглолтоо хийсэн нь онцлох үйл явдал байв. Legacy баг нь бүсийн сонгон шалгаруулалтын ялагч Bestia багийг сүүлийн мөчид орлож тэмцээнд оролцох болсон баг юм. CS-ийн түүхэн дэх хоёр дахь хамгийн урт хожлын цувралтай (30 тоглолт) Vitality баг 13:3 харьцаатай хожигдсон нь үнэхээр төсөөлөшгүй үр дүн байлаа. FaZe Clan мөн Aurora-гийн эсрэг эхний тоглолтод ялагдал хүлээсэн бол NAVI гурав дахь тоглолтондоо хүчирхэг Team Spirit-ийг буулган авч чадсангүй. Гэсэн хэдий ч эдгээр гурван туршлага зааж, үлдсэн тоглолтуудаа ялан 3-1 харьцаатайгаар плей-оффт шалгарлаа.

3-2: The MongolZ, MOUZ, paiN Gaming

Плей-оффын сүүлчийн гурван байр маш ширүүн өрсөлдөөний эцэст MOUZ болон paiN Gaming хоёулаа эхний хоёр хожигдлынхоо дараа итгэмээргүй байдлаар сүүлчийн гурван тоглолтоо ялж, плей-оффд тоглох эрхээ баталгаажууллаа.

The MongolZ баг FURIA-д хожигдож тэмцээний гараагаа эхэлсэн ч дараа нь Team Liquid болон Lynn Vision-ийг ялж, амжилтаа 2-1 болгосон. Дөрөв дэх тоглолтод FaZe Clan-д хожигдсоны дараа тэдний плей-оффын найдлага G2-той хийх шийдвэрлэх тулаанаас хамаарч байлаа. Монголчууд эхний мап болох Ancient-г 13:6-гаар итгэл дүүрэн авсан ч хоёр дахь мап болох Dust2 жинхэнэ тэсвэр тэвчээрийн тулаан болон хувирав. The MongolZ 6-11 онооноос эргэн ирж, нэмэлт цаг сунгасан бөгөөд у гтоглолт рекорд тогтоосон таван нэмэлт цагийн үеийг дамжсан юм. Senzu-гийн гайхалтай тоглолтын ачаар (56/37 K/D, 1.61 рейтинг) тэд эцэст нь мапыг 28:25 харьцаатайгаар дуусгаж плей-оффын эрхээ авсан.

Хасагдсан багууд ба цаашдын төлөв

Гуравдугаар хэсгийн тоглолтууд дууссаны дараа BLAST.tv Austin Major 2025-аас хэд хэдэн хүчирхэг баг хасагдах нь тодорхой боллоо. Эдгээр нь: Virtus.pro, Legacy, болон G2 (бүгд 2-3 амжилттай); Aurora, 3DMAX, болон Lynn Vision (1-3 амжилттай); мөн Team Liquid, Nemiga (0-3 амжилттай) багууд байв. Сонирхолтой нь, тэмцээнийг гуравдугаар шатнаас шууд оролцож эхэлсэн Aurora, G2, Team Liquid гэсэн гурван баг плей-оффт хүрч чадаагүй нь тэмцээний өрсөлдөөний онцгой өндөр түвшинг харуулж байна.

Богино завсарлагын дараа Остин хотод шөвгийн наймын тоглолтууд эхлэх бөгөөд дараах тоглолтууд биднийг хүлээж байна:

• FURIA vs. paiN Gaming

• Team Spirit vs. MOUZ

• FaZe Clan vs. The MongolZ

• NAVI vs. Team Vitality

1xBet Монголын зүгээс бүх CS2 шүтэн бишрэгчдийг нэр хүндтэй BLAST.tv Austin Major 2025 тэмцээнд The MongolZ багийн ялалтын төлөө дэмжихийг урьж байна.