УИХ-ын намрын ээлжит чуулганаар Төрөөс 2021 онд баримтлах Мөнгөний бодлогын талаар хэлэлцэж байна. Энэ үеэр гишүүд үг хэлж, асуулт асуулаа. 

Ц.Даваасүрэн: Төсвийн том ачааллын нэг нь хүүхдийн мөнгө. Энэ жил 1.9 их наяд төгрөг зарцуулж байна. Валютын нөөцийг бууруулсан, ханш өсгөсөн. Эргээд иргэдэд дарамт болох нөхцөл болдог зүйл болоод байгааг хэлдэг байх хэрэгтэй Төв банкныхаан. Бид нарыг ярихаар улстсрөжөө гэнэ. Энэ бол нэг суманд нэг тэрбумын 5 үйлдвэр барих мөнгө шүү. Хүүхдийн мөнгө гээд өгчихөөр зүгээр л хэвчихнэ. Эрээнд хөрөнгө оруулалт болж очиж байна.

Хоёрдугаарт, ипотекийн зээлийг бууруулан гээд яриад л байдаг. Гэтэл хэчнээн хэмжээний барилгын импортыг оруулж ирэх талаар тооцоолоогүй. Монголбанк л анхааралтай хандаж, хэлж байхгүй бол шийдэж чадахгүй байна. Ядаж мэргэжлийн байгууллагууд нь хэлж бай л даа. Бид нар болохоор улстөржөөд байна. Ийм зүйлийг санхүүгийн байгууллагууд хэлдэг байвал өөр болно. Хүүхдийн мөнгийг хэрэгцээтэй хэсэгт нь өгдөг бол өөр хэрэг. Гэтэл орлоготой, баян тансаг иргэдэд хүртэл өгч байна. Нэг суманд таван үйлдэвр барих мөнгө шүү дээ. Ийм ажил хийдэг Ерөнхий сайд байдаг бол энэ улс сэргээд л ирнэ.

Монголбанкны ерөнхийлөгч Б.Лхагвасүрэн: 2020 оны төсөв нэлэд тэлсэн төсөв болсон. Хориг арга хэмжээ тавигдсан энэ үед эдийн засгийг сэргээх нь зайлшгүй гэдгийг бодолцож мөнгөний бодлогыг зөөллөсөн. Энэ онд импорт 11 хувиар буурсан. Нийт импортын гуравны нэг нь хэрэглээний импорт байдаг. Хүүхдийн мөнгө олгож байгаа асуудалд Монголбанк байр суурь хэлэх эрхгүй. Гэхдээ энэ оны хувьд өрхийн орлого буураагүй сайн үзүүлэлт бий.  

Ц.Даваасүрэн: Улс төрийн дарамттай гээд айгаад хэлж чадахгүй байгаг чинь ойлголоо. Төсвийн орлгын 50 хувьтай тэнцэх алдагдалтай төсвөө баталж байна. Энэ аймшигтай үзүүлэлт шүү. Алтны үнэ өсөөгүй бол өдийд валютын нөөц ховс сорогдчихсон байгаа. Ний нуугүй ярь л даа. Ингэсээр байтал 2016 он шиг үйл явдал давтагдвал яах юм бэ. Одоо ярих хэрэгтэй шүү дээ.

А.Сүх