УИХ-ын чуулганаар зарим бүүтээгдэхүүнийг НӨАТ, гаалийн татвараас чөлөөлөх хуулийн төслийг анхны хэлэлцүүлгийг хийж, Төсвийн байнгын хороонд шилжүүлээ. Дараа нь Засгийн газар, Японы олон улсын хамтын ажиллагааны байгууллага хоорондын ковид-19 цар тахалтай тэмцэх арга хэмжээний хариу арга хэмжээд зориулах зээлийн хэлэлцээрийг соёрхон батлах тухай асуудлыг хэлэлцэж байна. Энэ үеэр гишүүд үг хэлж, асуулт асуулаа.
Х.Болорчулуун: Япон улсаас 233 сая ам.долларын зээл авах нь. Энэ нь царр тахалтай холбогдуулан авч байгаа гэх боловч төсвийн алдагдал цоорхойг нөхөх гэж байгаа хэлбэр. Хэдий бага хүүтэй гэх боловч буцаагаад доллараар төлнө. Ирээдүйгээсээ төлнө гэсэн үг. Сангийн яам өр зээлийг нэмэгдүүлэх биш багасгаж байгаа байдлаар нь дэмжих ёстой. Монгол Улс 31 тэрбум ам.доларын өртэй болж байна. Нэг жилийнхээ төсвийн долоо, найман жилийнхтэй тэнцэх хэмжээний өр зээлтэй болчихлоо. Эдийн засний талаар хараат болвол улс төрийн талаар хараат болно гэж ярьдаг. Өрийн босго хэд хүрчихэв ээ.
Өнөөдөр алт, зэс, жоншны үнэ өндөр байна. Ийм үед төсвийн алдагдлаа өр зээлээр төлж байна. Айлаас эрэхээс авдраа уудал гэх зарчмаар ажиллах ёстой. Эрдэнэтээс тав дахин их баялагтай Оюутолгойн ордын борлуулсан мөнгө нь монголын банкаар дамжиж орж ирэхгүй байна. Засгийн газар Дубайн гэрээг өөрчлөхөөр ажлын хэсэг гарсан боловч таг чиг байна. Шуурхай ажиллаач.
Ч.Хүрэлбаатар: 2016 онд Засгийн газрын гадаад өрийн ДНБ-тэй тэнцэх хэмээ нь 75.8 хувь байсан нь энэ оны есдүгээр сарын байдлаар 57.2 хувь болж буурсан. Энэ нь эдийн засаг, төсөвт учруулах өрийн дарамт багассан. Өнөөдөр найман их наядын төлбөр төлчихөөд байна. Хууль дээр тодорхой босго тавьж өгдөг. Хуульд зааснаар ДНБ-ий 70 хувь байдаг.
Х.Болорчулуун: Сангийн сайд аа, 78.8 хувийн өрийн босго буурсан гэдэг худлаа. Энэ бол цаасны тоо. Битгий тэгж хүнийг хуур. Монголын баялаг өсөөгүй. Харин мөнгө нь ч орж ирэхгүй экспортод гарч байгаа Оюутолгойн баялаг ДНБ-нд ороод явж байгаа. Монгол Усын нийгэм, эдийн засагт түй ч байхгүй. Хийсвэр тоо яваад байна. Бодитоор өрийн байдал үндэсний аюулгүй байдалд нөлөөлөх хэмжээнд хүрчихээд байна.
Б.Лхам
