МОХ-ноос авлига авдаг их, дээд сургуулийн захирлуудыг олонд дэлгэлээ. Тэд “Энэ хичээлийн жилийг Монголын боловсролын салбар “Боловсролыг шинэчлэе” уриатайгаар хичээллэж байна. Гэтэл МУИС, ЭМШУИС, ХУИС, Этүгэн дээд сургууль, Ач дээд сургууль, Оточ Манрамба дээд сургуулиуд “хандив”-ийн анги нэрийн дор авилгал авч байна. Эдгээр сургуулиуд хамгийн муу сурлагатай, хамгийн мөнгөлөг хүүхдүүд суралцаж байна гэхэд хилсдэхээргүй болжээ. Учир нь тэд дээрх сургуулиудад 1,5-3 сая төгрөгний хандив өгч, хүссэн мэргэжлээрээ дээрх сургуулиудад суралцаж байна. Магадгүй иргэд та бүхэн анзаарч буй болов уу. “Хандив” авч буй сургуулиудын ихэнх нь хүний эрүүл мэнд, амь насыг хамгаалах эрүүл мэндийн чиглэлийн сургуулиуд байна. Түүнчлэн дээрх авилгал авч буй сургуулиудад “хандивын данс” гэж тусгай данс байдаг юм билээ. Тиймээс МОХ эдгээр сургуулиудын хандивын дансыг АТГ шалгуулахаар болсоноо энэ үеэр дуулгалаа. Мөн БШУ-ны сайд Л.Гантөмөрт хандив нэрийн дор авилгалийн анги, танхим бүрдүүлж буйг таслан зогсоохыг хүссэн шаардлага хүргүүлж байна. Дашрамд дуулгахад боловсролын салбар шударга байж, чанартай боловсон хүчин төгсөж гарна шүү дээ” хэмээн ярьлаа.